Sellyuloza-qog‘oz ishlab chiqarish korxonalari asbob-uskunalari fanidan labaratoriya mashg‘uloti

Ushbu uslubiy qoʻllanma qog'oz ishlab chiqarish texnologiyasi va jarayonlari yo'nalishi bo'yicha ta'lim olayotgan talabalar uchun mo'ljallangan. Qoʻllanmada sellyuloza va qog'oz ishlab chiqarish texnologiyasining asbob-uskunalari sxemasi berilgan. Ushbu uslubiy qoʻllanmada talabalar uchun labaratoriya ishlarini bajarishda texnologiyaga oid bir qancha asbob-uskunalarni tanlash uchun tegishli ma'lumotlar keltirilgan. Kitobda turli xil apparatlar, jumladan, paxta momigʻini tozalash va qayta ishlash uskunalari, massani maydalash, saqlash, tozalash apparatlari, bosim qutilari, kalandrlash mashinalari, quritish apparatlari va boshqalar haqida ma'lumotlar berilgan.

Asosiy mavzular

• Paxta momigʻini mexanik aralashmalardan tozalash apparati: Kitobda AP-18 markali mashinaning texnik tavsifi va uning aralashtirgich-ta'minlagich apparati hamda gorizontal turidagi titish apparati va siklon apparati kabi qismlari tahlil qilingan.
• Paxta momigʻini pishirish qozoni apparati: Paxta momigʻini pishirish jarayoni va uskunalarining sxemalari hamda texnik tavsiflari bayon etilgan.
• Qog'oz massasining maydalash tegirmon apparatlari: MD turidagi bir diskali tegirmon va MP-00 markali pulsatsiyalovchi tegirmon apparatlarining tuzilishi va texnik koʻrsatkichlari keltirilgan.
• Sellyuloza massasini saqlaydigan vertikal oraliq havzalar apparati: Akkumullovchi baklar apparati, ularning tuzilishi va texnik tavsiflari haqida ma'lumot berilgan.
• Uyurmali tozalagich apparati: OK-08 va OM-02-1, OM-02M kabi uyurmali tozalagich apparatlarining texnik tavsiflari va tuzilishi koʻrsatilgan.
• Bosim yashik apparati: Ochiq va yopiq turdagi bosim qutilarining tuzilishi va texnik tavsiflari bayon etilgan.
• Qog'oz quyish mashinasining toʻr stoli apparati: Tekis toʻrli qogʻoz quyish mashinasining chizmasi va uning turli qismlari, jumladan, bosim birxilda boʻlishini ta'minlovchi bak, konus shaklidagi tegirmon, quritish qismi va boshqalar haqida ma'lumotlar berilgan.
• Presslovchi kalandrlar apparati: Kalandrlarning texnik tavsifi, jumladan, turli xil vallarga ega boʻlgan kalandrlarning tuzilishi va oʻlchamlari koʻrsatilgan.
• Sellyuloza massasini tozalash apparatlari: UZ-09-01, UZ-12, UZ-13 markali yopiq tugun tutgichlar va ularning texnologik shtutserlari hamda texnik tavsiflari keltirilgan.
• Quritish apparati: Qog'oz quyish mashinasining turli xil silindrli quritish qismlari, jumladan, bir yarusda, besh yarusda va krepirlovchi silindrli quritish qismlarining sxemalari koʻrsatilgan.