Kalsiy karbiddan atsetilen olish texnologiyasining avtomatlashgan tizimini shakllantirish

Ushbu bitiruv malakaviy ishida kalsiy karbididan atsetilen olish texnologiyasining avtomatlashtirilgan tizimini shakllantirish amalga oshirilgan. Ishda ishlab chiqarish jarayoni va avtomatlashtirishning dolzarb masalalari, shuningdek, jarayonning toʻliq oʻrganilishi, kirish va chiqish koʻrsatkichlari, avtomatlashtirishni qoʻllash orqali mahsulot sifatini yaxshilash kabi masalalar koʻrib chiqilgan. Oʻlchovchi va rostlovchi qurilmalar tavsiflari, texnologik jarayonning funksional sxemasi, avtomatlashtirish vositalarining buyurtma spetsifikatsiyasi, avtomatik rostlash tizimining hisobi, manba prinsipial chizmasi va boshqarish tizimining arxitekturasi oʻrganilgan.

Asosiy mavzular

Kirish: O'zbekistonda texnika va texnologiyaning rivojlanishi, sanoatning modernizasiyasi, avtomatlashtirishning ahamiyati va uning vazifalari. Ishlab chiqarishni avtomatlashtirishning iqtisodiy samaradorligi va uning rivojlanishidagi omillar.
Texnologik jarayon tavsifi: Kalsiy karbididan atsetilen olish texnologik sxemasi va uning bosqichlari.
Texnologik jarayonni avtomatlashtirishning funksional chizmasi va bayoni: Avtomatlashtirish tizimlarining nazorat va rostlash tizimlari (rostlash, nazorat, elektr yuritmalarni boshqarish) va ularning funksional sxemasi.
Avtomatlashtirish vositalarining buyurtma spetsifikatsiyasi: Jarayonni avtomatlashtirishda qoʻllaniladigan turli asboblar, ularning texnik xarakteristikasi va ishlab chiqaruvchilari haqida ma'lumot.
Elektr manba prinsipial chizmasining bayoni: Boshqarish va signallash tizimlarining struktura va prinsipial chizmalari, elektr manba tizimlarini loyihalash ketma-ketligi, elektr manba shchitlari va ularning elementlari.
Avtomatik rostlash tizimining hisobi: Rostlash tizimlarining tahlili, avtomatik rostlash tizimining funksional sxemasi, obyektning uzatish funksiyasi va uning hisob-kitobi, avtomatik rostlash tizimining optimal koʻrsatkichlarini aniqlash.
Boshqarish tizimini arxitekturasi bayoni: Siemens mikroprotsessor qurilmalari va ularning imkoniyatlari, boshqarish tizimlarining arxitekturasi, boshqarish funksiyalari va ularning tizimlashtirilishi.
Texnik-iqtisodiy hisob qismi: Korxona ishlab chiqarish dasturi, mahsulot tannarxi hisobi, iqtisodiy koʻrsatkichlar va foyda hisobi.
Mehnat muhofazasi: O'zbekistonda mehnatni muhofaza qilish qonunchiligi, texnika xavfsizligi, sanitariya va gigiena qoidalari, xavfli va zararli omillar, shaxsiy himoya vositalari.
Fuqaro himoyasi: Favqulodda vaziyatlar va ularning turlari, favqulodda vaziyatlardan muhofaza qilish qonunlari, korxonada fuqaro muhofazasini tashkil etish.
Atrof muhit muhofazasi qismi: Insonning tabiatga ta'siri, ekologik muammolar, Oʻzbekiston Respublikasining atrof-muhitni muhofaza qilish qonunlari, atmosferaga tashlanayotgan chiqindilar va ularni tozalash usullari.
Xulosa: Bitiruv malakaviy ishida bajarilgan ishlar, erishilgan natijalar va olingan koʻnikmalar haqida umumiy xulosalar.
Foydalanilgan adabiyotlar roʻyxati: Ishda foydalanilgan ilmiy-texnik adabiyotlar va me'yoriy xujjatlar ro'yxati.