Sutkasiga 100t paxta moyidan uzluksiz usulda oziqa salomas ishlab chiqarish va aylanma vodorodni tozalash texnologiyasini tashkil etish

Ushbu bitiruv malakaviy ishi paxta moyidan oziqa salomas ishlab chiqarish texnologiyasi hamda aylanma vodorodni tozalash jarayonlarini o'z ichiga oladi. Ishda yog'-moy sanoatining nazariy va texnologik asoslari, xomashyo, texnik va iqtisodiy hisob-kitoblar, atrof-muhit muhofazasi hamda mehnatni muhofaza qilish masalari atroflicha yoritilgan.

Asosiy mavzular

KIRISH: Oʻzbekiston Respublikasi yog'-moy sanoatining rivojlanishi, uning ahamiyati va davlat siyosatining ushbu sohaga ta'siri haqida ma'lumot beriladi.
ISHLAB CHIQARISHNING NAZARIY ASOSLARI: Yog'-moy sanoatida gidrogenlash jarayonining nazariy asoslari, kimyoviy reaksiyalar va molekulalararo jarayonlar tushuntiriladi.
TEXNOLOGIK SXEMANI TANLASH VA ASOSLASH: Yog'-moylarni gidrogenlash jarayonini uzluksiz va davriy usullarda amalga oshirish texnologik sxemalari tanlanadi va asoslanadi.
TEXNOLOGIK SXEMA BAYONI: Avtoklavlarda moylarni gidrogenlashning namunaviy sxemasi va turg'un katalizatorda gidrogenlash sxemasi batafsil bayon etiladi.
HOMASHYO, YORDAMCHI MATERIALLAR VA TAYYOR MAHSULOTLAR TAVSIFI: O'simlik va hayvon yog'lari, ularning turlari, xossalari hamda ulardan oziqa salomas olish uchun foydalaniladigan xomashyolar haqida ma'lumot beriladi.
MODDIY HISOBLAR: 1 tonna salomas ishlab chiqarish uchun zarur bo'lgan xomashyo, energiya va boshqa moddiy sarflar hisob-kitob qilinadi.
USKUNALARNI TANLASH VA ASOSIY USKUNANING HISOBI: Loyihada ishlatiladigan asosiy uskunalar (retorta, suvli skrubber, aralashtirgich, nasos-dozator) tanlanadi va ularning texnik tavsiflari keltiriladi.
AVTOMATIK ROSTLASH TIZIMINI HISOBI: Avtomatlashtirilgan tizimlarning tuzilishi, matematik modellarini tuzish va optimal rostlagich parametrlarini aniqlash ko'rib chiqiladi.
IQTISODIY QISM: Ishlab chiqarish rejasi, mahsulot tannarxi, rentabellik va mehnatga doir xarajatlar hisoblanadi.
ATROF MUHIT MUHOFAZASI: O'zbekiston va Markaziy Osiyo mintaqalarining ekologik muammolari, suvdan foydalanish va ularni tozalash masalalari, mehnatni muhofaza qilish talablari yoritiladi.