Ovqatlanish korxonalarida ishlatiladigan tozalash jihozlarini innovatsiyani qo‘llash orqali servis xizmatini takomillashtirish

Ushbu bitiruv malakaviy ishida ovqatlanish korxonalarida servis xizmatini takomillashtirish, jumladan yangi tozalash jihozlarini qoʻllash orqali ushbu jarayonlarni yaxshilash, innovatsiyalarni joriy etish hamda mehnat xavfsizligini ta'minlash masalalari ko'rib chiqilgan. Xususan, "Nihol" restorani misolida tadqiqot olib borilib, mavjud muammolar aniqlanib, ularni bartaraf etish bo'yicha takliflar berilgan.

Asosiy mavzular

• Ovqatlanish korxonalarida xizmat koʻrsatishning oʻrni, tozalash jarayonlari va jihozlari: Ushbu bobda ovqatlanish korxonalarida xizmat koʻrsatishning ahamiyati, tozalash jarayonlarining ahamiyati va ularda foydalaniladigan jihozlar haqida nazariy ma'lumotlar berilgan. Ayniqsa, Oʻzbekiston iqtisodiyotida xizmat koʻrsatish sohasi rivojlanishining statistik koʻrsatkichlari va umumiy ovqatlanish korxonalari faoliyatining texnologik jarayonlari tahlil qilingan.
• “Nihol” restoranida yangi tozalash jihozlarini qoʻllash orqali servis xizmatini takomillashtirish: Bu bobda "Nihol" restorani faoliyati va holati tahlil qilingan. Restoranda foydalanilayotgan yangi tozalash jihozlarining texnik tavsiflari, ularning unumdorligi va maydoni hisoblangan. Innovatsion holatni tadqiq qilish uchun soʻrovnoma oʻtkazilib, natijalar tahlil qilingan.
• “Nihol” restoranida hayot faoliyati xavfsizligini tashkil etilishi: Uchinchi bobda restoran xodimlari va mijozlar uchun hayot faoliyati xavfsizligini ta'minlash, jumladan mehnat xavfsizligi va yong'inga qarshi kurash choralari boʻyicha ma'lumotlar berilgan.