IQTISODIY FANLARNI O`QITISH METODIKASI

Ushbu kitobda iqtisodiy fanlarni o‘qitish metodikasi, ularning mazmuni va asosiy tamoyillari, zamonaviy pedagogik texnologiyalarni qo‘llash asoslari, jumladan, turli o‘quv jarayonida turli metodlarni qo‘llash va ularning samaradorligini ta’minlash usullari, shuningdek, o‘quv jarayonida o‘quvchi-talabalarning mustaqil ishlashini tashkil etish va baholash bosqichlari, ularning ahamiyati batafsil yoritilgan. Shuningdek, kitobda ko‘rgazmali qurollar, tarqatma materiallar va texnik vositalardan foydalanish, ijodiy fikrlashga o‘rgatuvchi metodlar, jumladan, maqollar, paradokslar, topishmoqlardan foydalanish hamda ularni tadqiqot qilish metodikasi, shuningdek, mashq va testlardan foydalanish usullari batafsil bayon etilgan.

Asosiy mavzular

• IQTISODIY FANLARNI O‘RGANISHDA UMUMIY ASOSLAR VA O‘QUV JARAYONINI TASHKIL ETISHNING ASOSIY SHAKLLARI: Mazkur mavzu iqtisodiy fanlarni o‘qitish metodikasi fanning predmeti, maqsadi, vazifalari, o‘qitish jarayoni, nazariy va amaliy usullari, o‘qituvchi-o‘quvchi munosabatlari, shaxsiy sifatlari, ta’lim tizimida metodikaning o‘rni kabi mavzularni qamrab oladi. Shuningdek, didaktika va metodika, metodologiya, didaktik prinsiplar, Benjamin Bloomning taksonomiyasi, didaktik sakkizburchak kabi tushunchalar ham yoritilgan.
• IQTISODIY FANLARNI O‘RGANISHDA AMALIY BOSHQICH VA TADQIQOT METODI: Mazkur mavzu iqtisodiy fanlarni o‘rganishda amaliy mashg‘ulotlar va seminar darslari, ularning o‘ziga xos jihatlari va farqlari, amaliy mashg‘ulotlar va seminarlarga tayyorgarlik ko‘rish hamda ularni tashkil etish metodlari, jumladan, muammoli-izlanish metodlari, shuningdek, kichik guruhlarda ishlash va kichik guruhlar bilan dars o‘tish metodologiyasi, ularning afzalliklari va kamchiliklari batafsil bayon etilgan.
• MANTIQIY FIKRLASH, AXBOROTNI YIG‘ISH VA YOYISH ASOSIDA MAVZUNI O‘RGANISHGA QARATILGAN METODLAR: Mazkur mavzu mantiqiy fikrlashga o‘rgatuvchi metodlar, axborotni yig‘ishga va uni tarqatishga qaratilgan metodlar, jumladan, «Blits-o‘yin», FSMU metodi, klaster va sinkveyn metodlarining qo‘llanilishi, ularning afzalliklari va kamchiliklari batafsil yoritilgan.
• IQTISODIY FANLARNI O’QITISHDA KO‘RGAZMALI QUROLLAR, TARQATMA MATERIALLAR VA TEXNIK VOSITALAR DAN FOYDALANISH: Mazkur mavzu iqtisodiy fanlarni o‘rganishda ko‘rgazmalilikni ta’minlash zaruriyati va uning asosiy turlari, tarqatma materiallar va ularni tayyorlash, dars jarayonida qo‘llash usullari, fanlarni o‘qitishda texnik vositalarning tutgan o‘rni, turlari, qo‘llash usullari, axborot texnologiyalaridan foydalanish hamda multimedia vositalaridan foydalanish usullari batafsil bayon etilgan.
• MALAKAVIY, PEDAGOGIK AMALIYOT VA UNI O’TKAZISHGA QO’YILADIGAN TALABLAR: Mazkur mavzu iqtisodchi-pedagoglar tayyorlashda malakaviy va pedagogik amaliyotning tutgan o‘rni va roli, amaliyot o‘tkazuvchi talaba hamda unga rahbarlik qiluvchilarning vazifalari, amaliyotni rejalashtirish, kundalikda ifodalash va amaliyot hisobotini tayyorlash bosqichlari batafsil bayon etilgan.
• IQTISODIY FANLARNI O’RGANISHDA BILIMNI NAZORAT QILISH VA BAHOLASH: Mazkur mavzu o‘quv jarayonida nazoratning o‘rni va roli, asosiy tamoyillari, ta’lim oluvchilar bilimini nazorat qilish turlari, shakllari va metodlari, talabalar bilimini nazorat qilishni tashkil etish va baholashning jahon tajribasi batafsil yoritilgan.