Yer kadastri
Ushbu kitob yer kadastrining nazariy asoslari, davlat kadastr tizimida uning o'rni, vazifalari,ahamiyati, turlari va hujjatlari, O'zbekiston Respublikasining yer fondi, yer kadastri ma'lumotlarini olish, qayta ishlash va tahlil qilish usullari, qishloq xo'jalik korxonasining ishlab chiqarish faoliyatini tahlil qilishda yer kadastri ma'lumotlarini qo'llash kabi masalalarni yoritadi. Shuningdek, rivojlangan mamlakatlarda yer kadastri tizimining xususiyatlari ham ko'rib chiqiladi.
Asosiy mavzular
- Davlat yer kadastrining nazariy asoslari: Davlat yer kadastrining tarixi, mazmuni, asosiy vazifalari, hisob-kitob va yer kadastri to'g'risidagi umumiy tushunchalar, kadastrning tarkibiy qismlari, qonuniyatlari va tamoyillari, hamda undan foydalanishning ahamiyati
- Yer kadastri ma'lumotlarini olish, qayta ishlash va tahlil qilish usullari: Yer kadastri ma'lumotlarini yig'ish usullari, yer kadastri ko'rsatkichlarini tahlil qilish, kartografik materiallar va o'lchovlar, shuningdek, statistik usullar orqali ma'lumotlarni qayta ishlash
- Davlat yer kadastrining tarkibiy qismlari: Yer uchastkalariga bo'lgan huquqlarni ro'yxatga olish, yer maydonlarini miqdor va sifat jihatdan hisob qilish, tuproq bonitirovkasi va yerlarni iqtisodiy baholash.
- Yer kadastrini yuritish tizimi: Korxona, muassasa va tashkilotlarda yer kadastrini tashkil etish, yuritish, va undan foydalanish tartibi, yerlarni sifatli holatda baholash, ma'muriy tumanda yer kadastrini yuritish va ularni hisobini olib borish.
- Xorijiy mamlakatlarda yer kadastri: Mustaqil davlatlar hamdo'stligida (MDH) yer kadastrini yuritish xususiyatlari,rivojlangan mamlakatlarda yer kadastri.