Fransuzcha-o'zbekcha lingvistik terminlarning lisoniy hususiyatlari va o'quv lug'ati tuzish tamoyillari

Ushbu dissertatsiya Fransiya va Oʻzbek tilshunosligida lingvistik terminlarning oʻziga xos hususiyatlarini oʻrganish va ulardan foydalanib, oʻquv lugʻati tuzish tamoyillarini ishlab chiqishga bagʻishlangan. Tadqiqotda lingvistik terminlarning lisoniy xususiyatlari, ularni oʻzbek tiliga oʻtkazish usullari, terminografiya talablariga muvofiqligi, fransuzcha-oʻzbekcha lugʻatlarning yutuq va kamchiliklari tahlil qilingan. Lingvistik terminlar lugʻatini tuzishning ilmiy-amaliy asoslari, tamoyillari ishlab chiqilgan va ushbu tamoyillar asosida fransuzcha-oʻzbekcha lingvistik terminlar oʻquv lugʻati yaratilgan. Kitobda «Terminlar tahlilining nazariy asoslari», «Leksikografiya va uning asosiy tushunchalari» hamda «Oʻquv lugʻatlarining turlari va lugʻat tuzish tamoyillari» kabi mavzular chuqur yoritilgan.

Asosiy mavzular

Terminlar tahlilining nazariy asoslari: Ushbu bobda termin va nomenklatura tushunchalari, terminlarning oʻziga xos hususiyatlari, klassifikasiyasi va jahon tilshunosligida lingvistik terminologiyaning paydo boʻlishi kabi masalalar koʻrib chiqilgan. Terminlarning lugʻatdagi roli, ularning asosiy xususiyatlari, sifatlari va tasniflash usullari tahlil etilgan.
Leksikografiya va uning asosiy tushunchalari: Bu bobda leksikografiya fani, oʻquv leksikografiyasining muammolari va vazifalari, oʻzbek va fransuz leksikografiyasining tahlili tavsiflangan. Lugʻatning tilshunoslikdagi oʻrni, leksikografiyaning boshqa fanlar bilan aloqasi, lugʻatlar turlari hamda ularni tuzish tamoyillari koʻrib chiqilgan.
Oʻquv lugʻatlarining turlari va lugʻat tuzish tamoyillari: Uchinchi bobda oʻquv lugʻatlarining turlari, ikki tilli oʻquv lugʻatlarining turlari, lugʻatda maʼno muammosi, fransuzcha-oʻzbekcha lingvistik terminlar lugʻatini tuzish tamoyillari tadqiq qilingan. Lingvistik terminlarni oʻquv lugʻati sifatida tuzishning prinsipi va mezonlari ishlab chiqilgan.