Ingliz va o‘zbek tillarida yuridik diskursning pragmalingvistik xususiyatlari

Ushbu dissertatsiya oʻzbek va ingliz tillarida yuridik diskursning pragmalingvistik xususiyatlarini, ya'ni uni tuzuvchi lingvistik va pragmatik birliklarning oʻziga xos jihatlarini, shuningdek, ularning ijtimoiy-madaniy va lingvistik sharoitlarga bogʻliq ravishda shakllanishini tadqiq etadi. Tadqiqotda yuridik diskursning nazariy asoslari, uning shakllanishi, rivojlanishi, turlari, qiyosiy tahlili, shuningdek, nutqiy aktlarning pragmalingvistik tahlili va ularning ingliz va oʻzbek tillaridagi qoʻllanishi oʻrganilgan.

Asosiy mavzular

Yuridik diskursning nazariy va lingvistik-pragmatik jihatlari: Dissertatsiyada yuridik diskursning lingvistik-pragmatik jihatlari, shu jumladan, uning mohiyati, turlari, rivojlanish bosqichlari, shuningdek, nutqiy aktlar nazariyasi va ularning tadqiqi keng yoritilgan. Oʻzbek va ingliz tillaridagi yuridik diskursning qiyosiy tahlili asosida til birliklarining pragmalingvistik xususiyatlari aniqlangan.
Yuridik diskursda nominativ birliklar va nutqiy aktlar: Tadqiqotda ingliz va oʻzbek yuridik diskursida "jinoyat" (crime) freym tuzilmasi asosida nominativ birliklar aniqlangan. Shuningdek, nutqiy aktlarning (reprezentativ, direktiv, kommissiv, ekspressiv) turlari va ularning ingliz va oʻzbek yuridik diskursida qoʻllanishi statistika tahlili asosida koʻrsatib berilgan.
Presupspozitsiya va pragmatik strategiyalar: Dissertatsiyada yuridik diskursda presuppozitsiya hodisasining lingvistik vositalari (morfologik va sintaktik), shuningdek, ularning pragmatik ta'siri va qoʻllanilishi tadqiq etilgan. Shuningdek, advokat va prokurorlar tomonidan qoʻllaniladigan turli pragmatik strategiyalar (ishontirish, chalg'itish, majburlash) tahlil qilingan.