Is'hoqxon Ibrat asarlarining leksik-grammatik xususiyatlari

Oʻzbek tilshunosligida Isʼhoqxon Ibrat ijodiy merosining leksik-grammatik xususiyatlarini tadqiq qilishga bagʻishlangan ushbu dissertatsiyada avtor tomonidan Ibrat asarlarining leksik-grammatik xususiyatlari atroflicha tahlil etilgan boʻlib, undan olingan xulosalar oʻzbek tilining rivojlanish bosqichlari va tarixiy-lingvistik xususiyatlarini oʻrganishda muhim manba boʻlib xizmat qiladi.

Asosiy mavzular

Oʻzbek tilshunosligida Isʼhoqxon Ibrat ijodining oʻrganilishi: Ushbu bo'limda Is'hoqxon Ibratning ilmiy-ijodiy merosining tadqiqi, badiiy, ilmiy va publitsistik asarlarining filologik jihatdan o'rganilishi, ularning oʻzbek milliy tili taraqqiyotidagi oʻrni va ahamiyati izohlangan. Oʻzbek jadid ma'rifatparvarlari orasida Ibrat ijodiy merosining gʻoyaviy va badiiy ahamiyati hamda XX asr boshlaridagi davr adabiy tilining shakllanishidagi oʻrni masalasi yoritilgan.
Oʻzbek tilshunoslik obyekti sifatida Isʼhoqxon Ibrat asarlarining leksikasi: Bu bo'limda adibning tilshunoslikka oid qarashlari, tilning ijtimoiy jamiyatdagi oʻrni va mavqeyi masalasi, til bilishning jamiyatda maktab va maorif, fan va madaniyat taraqqiyotini yuksaltiruvchi vosita sifatidagi ahamiyati, oʻzbek tilining grammatik xususiyatlarini puxta oʻzlashtirish hamda oʻz davrida til ilmini rivojlantirish zarurligi haqidagi fikrlari yoritilgan.
Ibrat asarlari tilining derivatsion va morfologik aspekti: Uchinchi bo'limda Is'hoqxon Ibrat asarlarida qoʻllangan yasama soʻzlar, uzual va okkazional yasama soʻzlarning derivatsion xususiyatlari hamda morfologik jihatdan tahlili amalga oshirilgan. Shuningdek, adib asarlarida qo'llangan oʻzbek tili soʻz yasalish modellari, fe'llarning yasalish modellari, ot yasovchi qoʻshimchalarning qoʻllanishi ham tahlil etilgan.