O‘zbekistonda xotin-qizlarning ijtimoiy-siyosiy, iqtisodiy va madaniy jarayonlardagi ishtiroki (1991–2021-yillar Andijon viloyati misolida)

Ushbu dissertatsiya 1991-2021 yillarda Oʻzbekistonda, xususan Andijon viloyatida ayollarning ijtimoiy-siyosiy, iqtisodiy va madaniy jarayonlardagi ishtirokini oʻrganadi. Tadqiqotda Oʻzbekistonning mustaqillik yillarida ayollar masalasiga oid davlat siyosati, ularning jamiyatdagi oʻrni va rolini oshirish borasidagi ishlar tahlil qilinadi. Xususan, Andijon viloyatida ayollarning tadbirkorlik faoliyati, ijtimoiy-siyosiy jarayonlardagi ishtiroki, ta'lim, madaniyat, sport sohalaridagi faoliyati hamda ularni ijtimoiy muhofaza qilish masalalari atroflicha oʻrganiladi. Shuningdek, tadqiqotda ayollarning bandligini ta'minlash, ularning huquqlarini himoya qilish, sogʻlom oilani shakllantirishga qaratilgan davlat siyosatining natijalari ham koʻrsatib berilgan.

Asosiy mavzular

• Oʻzbekistonda xotin-qizlarining ijtimoiy-siyosiy, iqtisodiy va madaniy jarayonlardagi ishtiroki (1991-2021 yillar Andijon viloyati misolida): Dissertatsiyaning asosiy maqsadi Andijon viloyati misolida Oʻzbekistonda ayollarning jamiyat hayotidagi oʻrni va rolini ochib berishdir. Tadqiqot davomida Oʻzbekiston Respublikasi hukumati tomonidan qabul qilingan huquqiy-meʼyoriy hujjatlar oʻrganilib, davlat siyosati tarixiy izchillikda tadqiq etilgan. Shuningdek, davlat va jamiyat boshqaruvida xotin-qizlarning ishtirokini kengaytirish hamda ularning ijtimoiy faolligini oshirishda fuqarolik institutlarining oʻrni tahlil qilingan. Andijon viloyatida ayollarning ishbilarmonlik va tadbirkorlik faoliyati, ilm-fan, taʼlim, sport, sogʻliqni saqlash hamda madaniyat sohasi rivojiga qoʻshayotgan hissasi hamda ularni ijtimoiy muhofaza qilish masalalari yoritilgan.