Sun'iy intellekt yordamida yaratilgan intellektual mulkning huquqiy tartibga solinishi

Ushbu dissertatsiya sun'iy intellekt (SI) texnologiyalarining rivojlanishi bilan bog'liq intellektual mulk huquqlarini tartibga solishning huquqiy-nazariy va amaliy masalalarini tadqiq etadi. Ishda SI ishtirokida yaratilgan intellektual mulkning huquqiy maqomi, originallik va mualliflik tushunchalarini qayta ko'rib chiqish, shuningdek, O'zbekistonning milliy qonunchiligini ushbu sohadagi xalqaro standartlarga moslashtirish bo'yicha takliflar ishlab chiqilgan. Dissertatsiyada SI rivojlanishining global va milliy tendensiyalari, huquqiy mexanizmlarining mukammalligi va kelajakdagi yo'nalishlari tahlil qilingan.

Asosiy mavzular

Sun'iy intellekt va intellektual mulk kontekstida originallik: Ushbu bobda sun'iy intellekt texnologiyalarining intellektual mulk qonunchiligi fundamental tushunchalariga ta'sirini batafsil tahlil qilingan. Originallikning an'anaviy konsepsiyalari SI bilan yaratilgan asarlar uchun yetarli emasligi va yangi mezonlar ishlab chiqish zarurligi asoslangan.
Sun'iy intellektni intellektual mulk kontekstida aniqlashning xalqaro huquqiy tajribasi: Bu bobda sun'iy intellekt texnologiyalari bilan bog'liq intellektual mulk masalalarini tartibga solishning xalqaro tamoyillari, standartlari va amaliyoti o'rganilgan. Xorijiy mamlakatlarning milliy qonunchiligi va sud amaliyotining tahlili asosida O'zbekistonning huquqiy tizimini takomillashtirish bo'yicha tavsiyalar berilgan.
Sun'iy intellektdan intellektual mulkda foydalanish bo'yicha ko'rsatmalarni ishlab chiqish va tahlil qilish: Uchinchi bobda qonun chiqaruvchilar, huquq egalari, foydalanuvchilar va sun'iy intellekt tizimlari ishlab chiqaruvchilari uchun yo'riqnoma vazifasini bajaradigan tavsiyalar ishlab chiqish va tahlil qilish masalasi ko'rib chiqilgan. Bunda axloqiy tamoyillar va qadriyatlar hamda huquqiy tizimlarni yangi texnologiyalarga moslashtirish yo'llari ko'rsatilgan.