“BUXGALTERIYA HISOBIGA KIRISH” fanidan O‘QUV USLUBIY MAJMUA
Ushbu kitob "Buxgalteriya hisobi nazariyasi" fanining predmeti va metodini, shuningdek, buxgalteriya hisobining uslubiy (metod)larini o'rganishga bag'ishlangan bo'lib, unda korxonaning moliyaviy holati, mablag'lari va ularning tashkil topish manbalari, hisobga olish usullari, Registrlar va ularning turlari, shakllari hamda baholash va kalkulyatsiya kabi muhim tushunchalar chuqur yoritilgan. Kitobda talabalarning nazariy bilimlarini mustahkamlash va amaliy ko'nikmalarini shakllantirishga qaratilgan turli mashg'ulotlar, masalalar va test topshiriqlari ham berilgan.
Asosiy mavzular
- Buxgalteriya hisobi nazariyasi fanining predmeti va metodi. Buxgalteriya hisobining uslub(metod)lari: Bu mavzu buxgalteriya hisobining asosiy tushunchalari, predmeti, uslublari, hamda hisobga olishning asosiy tamoyillari va nazariyasini o'rganishga bag'ishlangan. Unda hisob turlari, mablag'lar va ularning manbalari, xo'jalik jarayonlari, hisobning predmeti va metodlari, shuningdek, ushbu fanining axamiyati va vazifalari chuqur yoritilgan.
- Schyotlar tizimi, uning turlari va uni me’yoriy tartibga solish: Mazku mavzu buxgalteriya hisobining asosiy elementlaridan biri hisobvaraqlarni o'rganishga bag'ishlangan bo'lib, uning turlari, tuzilishi, me'yoriy tartibga solinishi, hamda buxgalteriya hisobining ma'lumotlari bo'yicha qanday tasniflanishi tushuntirilgan. Mavzuda aktiv va passiv schyotlar, ularning o'zgarishi va balans bilan o'zaro aloqasi ham yoritilgan.
- Buxgalteriya hisobining registrlari va shakllari: Ushbu mavzu buxgalteriya hisobining asosiy shakllari va ularning mazmuni, Registrlarning turlari, ularni yuritish tartibi, shuningdek, ular o'rtasidagi farqlar va ularning ahamiyati hamda ularni to'ldirish tartiblari haqida ma'lumot beradi.
- Baholash va kalkulyatsiya: Bu mavzu buxgalteriya hisobida baholash va kalkulyatsiyaning mohiyati, ahamiyati va turlarini o'rganishga bag'ishlangan. Unda xo'jalik mablag'lari va majburiyatlarini baholash, ishlab chiqarish xarajatlari, ularni turkumlash va mahsulot tannarxini aniqlash hamda ushbu jarayonlarda qo'llaniladigan usullar chuqur yoritilgan.
- Hujjatlashtirish va inventarizatsiya: Mazkur mavzu buxgalteriya hisobida hujjatlashtirishning mohiyati, uning turlari, ahamiyati va ularni rasmiylashtirish tartibini, shuningdek, inventarizatsiyaning mohiyati, ahamiyati va turlari hamda inventarizatsiyani o'tkazish tartibini o'rganishga qaratilgan.
- Buxgalteriya balansini tuzish: Ushbu mavzu buxgalteriya balansining mohiyati, turlari va ahamiyati, uning tuzilishi, mazmuni va me'yoriy tartibga solinishi hamda xo'jalik muomalalarining balansga ta'sirini o'rganishga bag'ishlangan. Mavzu davomida talabalardan balans tuzish bo'yicha amaliy vazifalar ham bajarilishi talab etiladi.