Gidrotexnika inshootlarini loyihalashda geometrik modellashtirish usullarini qo‘llash
Ushbu dissertatsiya ishi gidrotexnika inshootlarini loyihalash jarayonida geometrik modellashtirish usullarini qoʻllashga bag'ishlangan. Tadqiqotda zamonaviy axborot-kommunikatsiya texnologiyalari, geometrik va matematik modellashtirish usullari, ularni loyihalash jarayoniga tatbiq etishning usullari va samaradorligini oshirish kabi masalalar yoritilgan. Tadqiqot natijasida loyihalash jarayonini optimallashtirish, ish vaqtini qisqartirish va ish unumdorligini oshirishga qaratilgan yangi algoritmlar va dasturiy ta'minotlar ishlab chiqilgan.
Asosiy mavzular
- Gidrotexnika inshootlarini loyihalash jarayoni tahlili va unga qoʻyilgan zamonaviy talablar: Ushbu bobda gidrotexnika inshootlari, ularning loyihalash jarayonidagi muammolar, texnik-iqtisodiy jihatdan maqsadga muvofiqligi, mavjud inshootlardan maksimal foydalanish va ularning elementlari tekshirish kabi masalalar ko'rib chiqilgan. Zamonaviy kompyuter texnologiyalaridan foydalangan holda loyiha chizmalarining bir nechta variantlarini ishlab chiqish va optimal variantni tanlash usullari muhokama qilingan.
- Yer sirtida turli uchastkalarni murakkablik darajasini analitik usullari: Bu bobda yer sirti murakkabligini aniqlash jarayoni, raqamli holatda tahlil qilishning kamchiliklari va ularni bartaraf etish usullari, geometrik va matematik modellashtirish usullarini qoʻllash orqali aniqlik darajasini oshirish kabi masalalar yoritilgan. Topografik relyef rejasidan olingan ma'lumotlar asosida ehtimollar nazariyasi va matematik statistika usullari bilan relyefning murakkablik darajasini aniqlash usullari taklif etilgan.
- Gidrotexnika inshootlarini loyihalashda eng optimal variantlarini tanlash usullari: Uchinchi bobda gidrotexnika inshootlarini loyihalash jarayoni samaradorligini oshirish maqsadida optimal loyiha tuzish nazariyasi usullaridan foydalanish, optimal loyiha variantini tanlash jarayoni algoritmi va Pareto optimal usullarini qoʻllash kabi masalalar batafsil tahlil qilingan. Har bir variant uchun nisbiy qiymatlar hisoblab chiqilgan va eng optimal loyiha tanlash usullari ko'rsatilgan.