Yengil avtomobil dvigatellari chiqindi gazlarida uglerod emissiyasini minimallashtirish uchun benzin-vodorod yonilg‘isini qo‘llashning ilmiy asoslari

Ushbu dissertatsiya Oʻzbekiston Respublikasi avtotransportida chiqindi gazlarda uglerod emissiyasini kamaytirish maqsadida benzin-vodorod yonilgʻisidan foydalanishning nazariy va amaliy asoslarini tadqiq etadi. Tadqiqotda benzin va benzin-vodorod yonilgʻisi bilan ishlaydigan avtomobil dvigatellarining samaradorligi, ekologik koʻrsatkichlari va iqtisodiy jihatdan samaradorligi tahlil qilinadi. Tadqiqot natijalari asosida chiqindi gazlardagi uglerod emissiyasini kamaytirish boʻyicha tavsiyalar ishlab chiqilgan.

Asosiy mavzular

  • Kirish: Dissertatsiya ishining dolzarbligi, maqsad va vazifalari, ob'ekti va sub'ektlari, ilmiy yangiligi va amaliy ahamiyati, tadqiqot natijalarini amaliyotga tatbiq etish, shuningdek, nashrlar va dissertatsiya tarkibi haqida ma'lumotlar berilgan.
  • Zamonaviy muammoning holati va ilmiy tadqiqot vazifalarini shakllantirish: Ko'plab olimlar tomonidan benzin-havo aralashmasiga vodorod qo'shish orqali engil avtomobilning ishlanishini oshirish masalasi bo'yicha olib borilgan ilmiy tadqiqotlar va eksperimental sinovlar natijalari tahlil qilinadi. Sayyoramizdagi qazib olinadigan uglevodorod zaxiralarining kamayishi va iqlim o'zgarishi bilan bog'liq muammolar tahlil qilinadi.
  • Otto dvigatellarini benar (benzin-vodorod yonilg'isi) yonilg'isi qoʻllashsh orqali uglerod emissiyalarini minimallashtirishning nazariy asoslari: Suv elektrolizi jarayonida sodir bo'ladigan elektrokimyoviy jarayonlarning nazariy tahlili keltirilgan, bu bizga ratsional elektrolitlar tarkibini va portlovchi gazni olish rejimini tanlashga imkon berdi, Otto termodinamik siklida yonilg'ining hajmli yonish nazariyasi asoslarini shakllantirdi hamda vodorod va kislorod ionlarining emissiyasidagi ishtirokining muhimligini ko'rsatadi.
  • Eksperimental qo'rilma. Eksperimentlarni o'tqazish va metodikasi: Dissertatsiya ishida foydalanadigan jihozlar va asboblar, eksperiment o'tqazish maqsadi va usullari, shuningdek, laboratoriya stendida eksperimental sinovlar oʻtqazish uslublari bayon etilgan.
  • Natijalar va ularning tahlili: Benzin va benzin-vodorod yonilg'isi bilan ishlaydigan avtomobil dvigatellarining tashqi tezlik tavsiflari, ekologik va iqtisodiy samaradorligi tahlil qilinadi.
  • Umumlashtirish va amaliyotga tadbiq etish: Dissertatsiya natijalarini amaliyotga tatbiq etish, tajribalar natijalarini taqqoslash va baholash, ularning ekologik va iqtisodiy samaradorligi uchun qo'llanilishi bo'yicha tavsiyalar keltirilgan.