Kimyodan masalalar yechishning ilmiy-ommabop usullari

Ushbu kitob kimyo fanidan masalalar yechishning ilmiy va ommabop usullarini o'rganuvchi talabalar, o'qituvchilar va kimyaga qiziquvchilar uchun mo'ljallangan qo'llanmadir. Unda kimyoning asosiy tushunchalari va qonunlariga doir masalalar, noorganik va organik kimyodan masalalar yechish usullari, olimpiada masalalari va ularni yechish yo'llari, shuningdek, yangi tipdagi masalalar va ularni yechishning zamonaviy usullari keltirilgan. Kitob nazariy bilimlarni amaliyotda qo'llash ko'nikmalarini shakllantirishga, mantiqiy fikrlashni rivojlantirishga va kimyoviy masalalarni mustaqil yechishga o'rgatishga qaratilgan.

Asosiy mavzular

Kimyoning asosiy tushunchalari va qonunlari: Bu bobda moddaning kimyoviy formulasi, modda miqdorini topish, element valentligini aniqlash, moddaning moli, massasi, hajmi, molekulalar soni kabi asosiy tushunchalar va ularning bog'lanish qonuniyatlari haqida ma'lumot beriladi. Masalalarni proporsiyalar va formulalar yordamida yechish usullari ko'rsatiladi.
Noorganik kimyodan masalalar yechish usullari: Noorganik kimyoga tegishli masalalarni yechish uchun moddalarning fizikaviy va kimyoviy xossalarini bilish, eritmada kation va anionlarni sifat jihatdan aniqlashga xos reaksiyalarni bilish, aralshma tarkibiga kiruvchi moddalarni bir-birini ajratish usullarini topish, oksidlanish-qaytarilish reaksiyalarining muhit sharoitiga qarab yo'nalishlarining o'zgarishini bilish kabi muhim ma'lumotlar keltirilgan.
Olimpiada masalalari va ularni yechishda ilmiy-ommabop usullardan foydalanish: Ushbu bobda olimpiada masalalarini yechishda qo'llaniladigan usullar, masalalarning murakkabligi va ularni yechish bosqichlari, shuningdek, o'quvchilarning labaratoriya ishlarini bajarish jarayonida mohir ko'nikmalarga ega bo'lishlari haqida ma'lumotlar keltirilgan.
Yangi tipdagi masalalar va ularni yechish usullari: Ushbu bobda avvalgi boblarda yoritilmagan yangi tipdagi masalalar va ularni yechishning zamonaviy usullari, jumladan, kimyoviy formulalarni aniqlash, gaz aralashmalari bilan ishlash, kristallogidratlar bilan bog'liq masalalar va boshqalar ko'rib chiqilgan.