Материалларни кесиб ишлаш, станоклар ва кесувчи асбоблар

Ushbu kitob materiallarni kesib ishlash nazariyasi, asbobsozlik materiallari, kesuvchi asboblarning ishlatilishi va ularning loyihalashtirilishi, ishlab chiqarishda keng tarqalgan stanoklarning tuzilishi va ularning bajariladigan ishlariga oid masalalarni o'rganishga bag'ishlangan. Kurs talabalarning o'quv ustaxonalarida va ishlab chiqarish amaliyotida olgan bilim va malakalarini mukammallashtirishga yordam beradi. Unda zamonaviy metall kesuvchi stanoklarning asosiy tiplarini boshqarish, sozlash, kesuvchi asboblarni charxlash va kesish rejimlari haqida ma'lumotlar berilgan.

Asosiy mavzular

Materiallarni kesib ishlash fanining tarixi va ishlab chiqarishdagi o'rni: Materiallarni kesib ishlashning zamonaviy ishlab chiqarishdagi roli, fanining qisqacha rivojlanish tarixi va kursning maqsadi hamda boshqa fanlar bilan aloqadorligi haqida ma'lumotlar beriladi.
Asbobsozlik materiallari va ularga qo'yiladigan talablar: Mexanik ishlov berishda asbobsozlik materiallarining roli, ularga qo'yiladigan talablar, asbobsozlik materiallarining turlari (uglerodli po'latlar, legirlangan po'latlar, qattiq qotishmalar) va kesuvchi asbob elementlari hamda geometriyasi ko'rib chiqiladi.
Kesib ishlash haqida umumiy ma'lumot: Kesish jarayonining turlari, operatsiyalari (yo'nish, parmalash, randalash, frezalash), kesish operatsiyalaridagi rejimlar, qirindi hosil bo'lish jarayoni va elementlari, kesgich elementlari va geometriyasi haqida ma'lumotlar beriladi.
Materiallarni kesib ishlashning fizikaviy xossalari: Kesish jarayonining mohiyati, qirindi hosil bo'lish jarayoni va qirindining qirishuvi tahlil qilinadi.
Yo'nishda kesish kuchlari va kesish tezligi. Kesish rejimlarini tanlash: Yo'nishda kesish kuchlari, keskichga ta'sir qiluvchi kuchlar sxemasi, kesish kuchiga ta'sir qiluvchi asosiy omillar va kesish kuchini hisoblash formulalari ko'rib chiqiladi.
Yo'nishda aylantiruvchi moment va quvvat: Kesish telegini aniqlash, quvvatni hisoblash usullari keltirilgan.
Yo'nishda kesish tezligiga ta'sir etuvchi faktorlar: Kesish tezligi, kesish jarayonida tezlikka ta'sir etuvchi faktorlar, yo'nish kesish tezligini hisoblash formulalari, ishlov beriluvchanlik haqida tushunchalar haqida ma'lumotlar beriladi.
Kesib ishlashning yuqori unumli usullari: Metall kesish stanoklarida yuqori unum bilan ishlash, yuqori tezlikda yoyishni qo'llanilishi haqida ma'lumotlar beriladi. metallarni jadal yoyishda qulayliklar berilgan.
Metallarni jadal yo'nishda ishlatiladigan keskichlarning konstruksiyasi: To'qimachilik stanoklari va boshqa stanoklarda ishlov berishda mehnat unumini oshirish yo'llarini izlash nuqtai nazaridan geometrik parametrlari yangicha bo'lgan asbob konstruktsiyalarini yaratishga olib keladi.
Metallar, plastmassalar va yog'ochlarning kesib ishlanuvchanligi Materiallarning kesib ishlanuvchanligi: Fizik-mexanik xossalariga, kimyoviy tarkibiga va strukturasiga qarab, konstruksion metallarining ba'zilari qiyin, ba'zilari esa oson kesib ishlanadigan bo'ladi.
Metall kesish stanoklarining turlari va asosiy mexanizmlari: Stanoklarga nisbatan qo'yiladigan talablar, metall kesish stanoklarining klassifikasiyasi va nomerlanishi berilgan.
Stanoklarning elementar mexanizmlari: Metall kesish stanoklarining kinematik zanjirlarida aylanuvchi mexanizmlarni tasvirlab berilgan.
Stanoklar aylanish sonlari va surish qiymatlari qatorlari: Aylanish sonlari va surish qiymatlari haqida tushunchalar berilgan
To'qarlik keskichlarning asosiy tiplari: Turli xil keskichlar haqida va keskichlarning yo'nalishlari to'g'risida ma'lumotlar berilgan.