Innovatsion rivojlanish sharoitida mehnat bozorini samarali rivojlanishi.
Ushbu kitob Oʻzbekiston Respublikasida mehnat bozorini rivojlantirish va takomillashtirishning dolzarb masalalarini oʻrganadi. Unda, iqtisodiyotning innovatsion rivojlanishi sharoitida mehnat bozorini shakllantirish, yosh mutaxassislarning bandligini ta'minlash, tashkiliy-iqtisodiy muammolar va ularning yechimlari tahlil qilinadi. Shuningdek, OTM bitiruvchilarining ish bilan ta'minlanish tizimini takomillashtirish boʻyicha takliflar ishlab chiqilgan. Kitob davlat siyosati, mehnat iqtisodiyoti va ta'lim sohasidagi mutaxassislar uchun moʻljallangan.
Asosiy mavzular
- Mehnat bozorining nazariy asoslari: Mehnat bozorining iqtisodiy mohiyati, mazmuni va rivojlanish tamoyillari, mehnat bozorini shakllantirish xususiyatlari, vazifalari, innovatsion yo'nalishlari hamda mehnat bozorining samarali shakllanish mezonlari va ko'rsatkichlari ko'rib chiqiladi. Bu mavzu doirasida turli iqtisodiy maktablarning qarashlari tahlil etiladi va mehnat bozorini shakllantirishning turli modellari ko'rsatiladi.
- Samarqand viloyati mehnat bozorining tahlili: Samarqand viloyati misolida mehnat bozorining rivojlanishi ijtimoiy-iqtisodiy ko'rsatkichlar asosida tahlil qilinadi. Viloyatning demografik vaziyati, mehnat resurslarining tarkibi, aholining bandlik darajasi va ishsizlik holati kabi masalalar o'rganiladi. Shuningdek, viloyat iqtisodiyotining tarmoqlari bo'yicha bandlikning taqsimlanishi va o'zgarish tendensiyalari ko'rib chiqiladi.
- Mehnat bozorini rivojlantirish yo'nalishlari: Mehnat bozorini innovatsion rivojlantirish sharoitida mehnat bozorini boshqarishning asosiy yo'nalishlari, yosh mutaxassislarni ishga joylashtirish tizimini takomillashtirish va mehnat bozorida davlat ish bilan bandlik siyosatining ustuvor yo'nalishlari bo'yicha takliflar ishlab chiqiladi.