Musiqa o’qitish metodikasi

Ushbu kitob O'zbekistondagi musiqa ta'limi metodikasining turli jihatlarini qamrab olgan. Unda musiqa o'qitishning nazariy asoslari, metodlari, shakllari va xorijiy tajribalar yoritilgan. Kitobda o'quv jarayonini tashkil etish, musiqa savodi, vokal-xor ishlari, darsdan tashqari mashg'ulotlar kabi masalalar batafsil bayon etilgan. Mualliflar o'qituvchilarga amaliy tavsiyalar berish bilan birga, musiqa ta'limining zamonaviy talablariga ham e'tibor qaratgan.

Asosiy mavzular

Shaxs kamolotini rivojlantirishda musiqa tarbiyasining ahamiyati: Musiqaning shaxsiy rivojlanishiga ta'siri, irsiyat va tarbiyaning roli, yoshga doir xususiyatlar, musiqa ta'limining maqsad va vazifalari muhokama qilinadi.
Musiqa o'qituvchisining ma'naviy va axloqiy qiyofasi: Musiqa o'qituvchisiga qo'yiladigan zamonaviy talablar, axloqiy va ma'naviy tarbiya, o'qituvchining vazifalari yoritiladi.
Musiqa darslarining xususiyati va strukturasi: Sinf-dars tizimi, musiqa darslarining maqsadi, xususiyatlari, dars strukturasi, o'qituvchining roli va darsga qo'yiladigan talablar keltirilgan.
Musiqa darslarida umumdidaktik printsiplari: Didaktika, musiqa ta'limining maqsadi, ilmiylik, sistemalilik, onglilik, ko'rgazmalilik kabi didaktik printsiplar haqida ma'lumot berilgan.
Musiqa o'qitish metodlari: O'qitish metodlari to'g'risida tushunchalar, ularning tasnifi, optimal metodlar va ularning turlari, o'quvchilar faoliyatini aktivlashtirish metodlari yoritilgan.
Umumiy ta'lim maktablarida qo'shiq o'rgatish metodlari: Musiqa darslarida qo'shiq o'rgatish jarayoni, o'qituvchining roli, qo'shiq o'rgatish metodlari, ashulani badiiy ijro etish ishlari bayon qilingan.
Musiqa darslarida musiqa savodi o'rgatish metodikasi: Musiqa savodini o'rgatish metodlari, boshlang'ich davri, notalar, pauzalar, o'lchov, takt, intervallar va musiqa asarlarining cho'zilishi haqida ma'lumot berilgan.
Imumiy ta'lim maktablarida musiqa darslarini rejalashtirish: Musiqa darsining maqsadi, o'qituvchining vazifalari, rejani tuzish, darsning struktura elementlari keltirilgan.
Ashulachilik apparatining tuzilishi va ahamiyati: Ovoz hosil bo'lishi, nafas olish, hiqildoq, rezonatorlar, bolalar ovozi va mutatsiya davri haqida ma'lumotlar berilgan.
Xorijiy mamlakatlarda Musiqa tarbiyasi tizimi: AQSh, Angliya, Yaponiya, Bolgariya, Vengriyadagi musiqa ta'limi tizimlari, ularning o'ziga xos xususiyatlari ko'rib chiqilgan.
Sinifdan tashqari musiqa tarbiyasining maqsadi va vazifasi: Sinfdan tashqari mashg'ulotlarning tizimi, ommaviy va to'garak shakllari, ularning vazifalari yoritilgan.