Mehnat huquqi

Ushbu kitob O'zbekiston Respublikasida mehnat qonunchiligiga muvofiq ish vaqti va dam olish vaqtini tartibga solish masalalarini ko'rib chiqadi. Unda ish vaqti tushunchasi, uning turlari, rejimi, ish vaqtidan tashqari ishlar, dam olish vaqti tushunchasi va turlari, shuningdek, ta'tillar haqida ma'lumot berilgan. Kitob talabalar, o'qituvchilar va mehnat huquqi sohasida ishlaydigan mutaxassislar uchun mo'ljallangan.

Asosiy mavzular

Ish vaqti tushunchasi va uning turlari: Xodimning ish tartibi yoki grafigiga yoxud mehnat shartnomasi shartlariga muvofiq, o'z vazifalarini bajarishi lozim bo'lgan vaqt ish vaqti hisoblanadi. Normal, qisqartirilgan va to'liqsiz ish vaqti turlari ko'rib chiqiladi. Qisqartirilgan ish vaqti kimlarga qo'llanilishi, to'liqsiz ish vaqti qanday tartibda amalga oshirilishi va boshqa tegishli savollarga javob beriladi.
Ish vaqti rejimi: Ish vaqtining sutka yoki boshqa kalendar' muddat mobaynida, shuningdek, kundalik ishning, ishdagi tanaffusning boshlanish, tugallanish vaqtini tushuniladi. Ish haftasining boshlanish va tugallanish vaqti ham qamrab oladi.
Ish vaqtidan tashqari ishlar: Xodim uchun belgilangan kundalik ishdan (smena muddatidagi) tashqari ishlash ish vaqtidan tashqari ish deb hisoblanadi. Ish vaqtidan tashqari ishlarga jalb etish tartibi va cheklovlari ko'rsatilgan.
Dam olish vaqti tushunchasi va turlari: Xodim mehnat vazifalarini bajarishdan holi bo'lgan va bundan o'z ixtiyori bilan foydalanishi mumkin bo'lgan vaqt hisoblanadi. Dam olish vaqtining turlari: tanaffuslar, ish kuni(smena) oralig'idagi dam olish vaqti, haftalik uzluksiz dam olish, bayram kunlari, ta'tillar.
Ta'tillar: Barcha xodimlarga, shu jumladan, o'rindoshlik bo'yicha ishlayotgan xodimlarga ham dam olish va ish qobilyatini tiklash uchun ish (lavozimi) va ish haqi saqlangan yillik mehnat ta'tillari beriladi. Ta'tillarning muddati va berish tartibi qonun hujjatlariga muvofiq belgilab qo'yilgan.