Достон наволар

Ushbu kitob oʻzbek dostonchiligining asl va jonli manbalari boʻlgan baxshilar ijodini oʻrganishga bagʻishlangan. Unda dostonlarning musiqiy xususiyatlari ilmiy asoslangan va tahlil etilgan. Kitobdan болалар musiqa va sanʼat maktablarining baxshichilik va xalfachilik sinflari, madaniyat va sanʼat oʻrta maxsus hamda oliy oʻquv yurtlarida oʻqitiladigan fanlarda qoʻshimcha adabiyot sifatida foydalanish mumkin.

Asosiy mavzular

Dostonlarning musiqiy anʼanalari: Dostonlar va ularning qoʻshiqlarida xalq hayotining maʼlum tarixiy taraqqiyot davri uchun xos boʻlgan muhim masalalar koʻtarilib, haqoniy yoki ertaknamo voqealar, afsona va rivoyatlar tarzidagi shoir va baxshilar tomonidan toʻqib oʻzlashtirilgan, qayta ishlangan va kuylab kelingan. Ular ilhom bilan insonlar qalb torini eng nozik rishtalarini qoʻzgʻatgan, taʼsir qilgan va ruhiy ozuqa ulashib kelgan.
Doston nomalarining ifoda vositalari: Dostonchilikni atroflicha oʻrganishda hali koʻtarilmagan yoki yetarlicha yoritilmagan dolzarb masalalar mavjud. Bular qatorida avvalambor dostonlarning mafkuraviy jihatdan dolzarbligi turadi. Qahramonlar obrazi masalasi nuqtai nazardan qaraganda ular sinovlardan oʻtgan boʻlib, hozirgi zamon qahramoni badiiy qiyofasini yaratishda juda ham qoʻl keladi. Xalq hayotining maʼnaviy ehtiyojlarini aks ettirgan hamda turli voqea hodisalarga boy boʻlgan oʻzbek dostonlari mazmun-mohiyati bilan ajralib turadi.
Xorazm dostonlari: Xorazm dostonchiligi oʻziga xosligi bilan ajralib turadi. Oʻzbek dostonchiligining qadimiy markazlaridan biri boʻlmish Xorazm vohasida aytiladigan dostonlar oʻzining musiqiyligi va tarixiyligi bilan ajralib turadi. Xorazm dostonlarining aksariyati turkiy xalqlar orasida mashhur boʻlgan "Alpomish", "Goʻroʻgʻli" dostonlari asosida yaratilgan.