Tikuv buyumlari ishlab chiqarish texnologiyasi

Kitobda tikuv buyumlarini ishlab chiqarish texnologiyasi, materiallar, ishlov berish usullari, tikuv turlari, mayda detallarni tikish, ustki kiyim tikish kabi mavzular yoritilgan. Unda andozalar yasash, gazlamalarni bichishga tayyorlash, dastlabki ishlov berish, yelimlab biriktirish, payvandlash, so'nggi pardozlash kabi jarayonlar batafsil tushuntirilgan.

Asosiy mavzular

Kiyim haqida umumiy ma'lumot: Kiyimning funksiyasi, gigienik talablar, ekspluatatsion talablar, estetik talablar, ishlab chiqarish talablari, tikuv buyumlarining tasnifi.
Tikuv mahsulotlari uchun texnik-me'yoriy hujjatlar: Standartlar haqida tushuncha, ularning turlari (Davlat standartlari, soha standartlari, korxona standartlari) va ahamiyati.
Tikuv korxonasida bajariladigan ishlar va ularning bosqichlari: Model yaratish, konstruksiyasini tuzish, model namunalarini tikish, andazalar tayyorlash, gazlama sarf normalarini aniqlash, gazlamalarning fizik-mexanik xususiyatlarini tekshirish, gazlamalarni bichishga tayyorlash, gazlamalarni bichish, buyum tikish, buyumni pardozlash.
Tikuv buyumlarini biriktirish usullari: Ip bilan biriktirish (qo'lda va mashinada tikish), yelim bilan biriktirish, payvandlab biriktirish usullari.
Bichiqlarni tikishga tayyorlash: Bichiq detallarining nomi, bichiq detallarining qirqim nomlari, detallarga qotirma yopishtirish.
Ustki kiyim tikish texnologiyasi asoslari: Kiyimning mayda detallarini tikish, buyumlari detallariga dastlabki ishlov berish, Ustki kiyimda cho'ntak turlari va ularga ishlov berish, yoqa tikish va uni yoqa o'miziga o'tqazish, yeng tikish va uni yeng o'miziga o'tqazish.