Turkiy filologiyaga kirish.
Ushbu kitob turkiy filologiyaga kirish fanining mustaqil ish mavzularini o'rganish uchun metodik qo'llanma bo'lib, unda turkiy tillarning tarixi, tasnifi, yozuvlari, mashhur turkolog olimlar va ularning ilmiy meroslari haqida ma'lumotlar berilgan. Qo'llanma o'zbek filologiyasi fakulteti talabalari va turkologiya bilan shug'ullanuvchi magistrlar uchun mo'ljallangan.
Asosiy mavzular
- Turk etnonimi va uning etimologiyasi: Turk etnonimining kelib chiqishi va turli olimlar tomonidan o'rganilishi, Turk so'zining ma'nolari va etimologiyasi haqida ma'lumot beriladi.
- Qadimgi turkiy etnonimlar: Avar, alan, massaget, sak, saka, sarmat, skif, sokolot, sug'd, subar, tavr, usun, xorazm, shumer va boshqa qadimgi etnonimlar, ularning kelib chiqishi haqidagi munozaralar yoritiladi.
- Turkiy tillarning tasnifi: Turkiy tillarning Tabert-Stralenberg, R.Rask, V.Shott, H.Vamberi, Y.Nemet, G.Ramstedt, M.Ryasyanen, I.Bensing, G.Menges, L.Ligeti, Mariya Antonina Jzaplijka va turk olimlari tomonidan tasnif qilinishi, fonetik, fonetik-morfologik, geografik joylashuvi hamda tarixiga asoslangan tasniflar ko'rib chiqiladi.
- Shumerlar va ularning tili toʻgʻrisidagi munozaralar: Shumerlar va ularning tili to'g'risida Yevropa olimlarining qarashlari, Shemerlarning turkiylarga munosabati masalasi haqidagi munozaralar keltirilgan.
- Etrusklar va ularning tili toʻgʻrisidagi munozaralar: Etrusklar va ularga oid madaniy yodgorliklarning topilishi, Etrusk tilida bitilgan matnlar va ularning o'qilishidagi munozaralar haqida so'z boradi.
- Amerika hindulari va ularning tillari toʻgʻrisidagi munozaralar: Amerika hindulari va ularning tillari turkiy tillarga oidligi toʻgʻrisidagi qarashlarning yuzaga kelishi o'rganiladi.
- Turkiy tillar taraqqiyotining xun davri: Xunlar va ular yashagan hududlar, Turkiy tillar taraqqiyotining xun davriga xos xususiyatlari, Bu davr tilining oʻrganilishi haqida fikrlar mulohaza qilinadi.
- Mahmud Koshgʻariy va uning «Devonu lugʻotit-turk» asari: Mahmud Koshg'ariyning «Devonu lug'at it-turk» asarining topilishi, nashri, tarjimalari, tuzilishi, Turkiy tillar tarixidagi oʻrni va turkologiyadagi ahamiyati ko'rib chiqiladi.
- Turkiy filologiyaning Peterburgda oʻrganilishi: Peterburgda turkiy filologiya masalalari bilan shug'ullanishning boshlanishi, Turkologiya bilan shugʻullangan jamiyatlar, oʻquv yurtlari va ilmiy tashkilotlar, Peterburgda ishlagan turkolog olimlar va ularning asarlari haqida ma'lumotlar berilgan.