Xalqaro diplomatik munosabatlar

Ushbu o'quv qo'llanma O'zbekiston oliy ta'lim muassasalari talabalari uchun mo'ljallangan bo'lib, xalqaro diplomatik munosabatlar nazariyasi va amaliyotining asosiy jihatlarini qamrab oladi. Qo'llanma xalqaro munosabatlarning mohiyatini, diplomatik xizmatning roli va o'rnini, shuningdek O'zbekistonning tashqi siyosatini amalga oshirish mexanizmlarini o'rganishga bag'ishlangan. Unda diplomatiyaning shakllanishi, rivojlanishi va zamonaviy tendentsiyalari, diplomatik protokollar va immunitetlar, xalqaro tashkilotlar faoliyati kabi masalalar keng yoritilgan.

Asosiy mavzular

Xalqaro diplomatiya, uning asosiy shakllari va tamoyillari: Diplomatiyaning paydo bo'lishi va tarixiy shakllari, zamonaviy diplomatiya va diplomatik xizmat, xalqaro munosabatlar va diplomatiya tushunchalari.
O'zbekiston Respublikasining tashqi siyosatini tartibga solishda oliy idoralarning ahamiyati: O'zbekiston Respublikasi Tashqi ishlar vazirligining tuzilishi va faoliyati, chet davlatlardagi diplomatik vakolatxonalarni tayinlash tartibi va diplomatik darajalar.
Diplomatik vakolatxonalar va ularning asosiy vazifalari hamda huquqlari: Elchixonalar, missiyalar va konsulliklarning vazifalari, diplomatik vakilni tayinlash va ishonch yorliqlari, diplomatik korpus va uning huquqiy maqomi, vakolatxonaning huquq va majburiyatlari.
Diplomatik vakolatxonalarning turkumlanishi: Diplomatik agentlar, vakolatxonalarning asosiy toifalari, komissarlar va Vatikan diplomatiyasi, diplomatik korpus va duayenning majburiyatlari.
Elchixonalarning tarkibiy tuzilishi va ularda ishning tashkil qilinishi: Elchixona tarkibi, ichki siyosat masalalari bo'yicha guruh, tashqi iqtisodiy aloqalar va gumanitar yordam bo'limi, konsullik bo'limi, madaniyat bo'limi, elchi kotibiyati, protokol xizmati va ularning funkstiyalari.
Diplomatik vakillar va ularning bayonot berish shartlari: Diplomatik qabul shakllari, xalqaro muzokaralar va diplomatik bayonnomalar, muzokaralar diplomatiyaning shakli sifatida va diplomatik suhbat.
Diplomatik imtiyozlar va immunitetlar: Diplomatik immunitetning ahamiyati, elchixonalarda diplomatik xodimlar uchun beriladigan imtiyozlar va ishonch yorliklarini topshirish marosimi.
Xalqaro tashkilotlar va davlatning tashqi siyosiy xizmati: Xalqaro tashkilotlar tushunchasi, davlatning tashqi siyosati, tashqi aloqalar bo'yicha markaziy va xorijiy organlar hamda ularning ahamiyati.
Xalqaro anjumanlar va ularning davlatlar tashqi siyosatida tutgan o'rni: Tashqi siyosiy muzokaralar, xalqaro kengash va anjumanlarni tayyorlash hamda o'tkazish tartibi, BMT va uning faoliyati.
Rivojlangan va rivojlanayotgan davlatlarning diplomatik xizmati va uning asosiy yo'nalishlari: AQSh va Buyuk Britaniya diplomatik vakolatxonalari, Germaniyaning diplomatik xizmati, Osiyo va Afrikadagi ayrim rivojlanayotgan davlatlarning tashqi aloqalari.