Миллий сиёсат ва маданий соҳадаги ислоҳотлар

Ushbu kitob Oʻzbekistonning milliy siyosati va maʼnaviy sohalardagi islohotlarga bagʻishlangan boʻlib, unda mustaqillik yillarida amalga oshirilgan keng koʻlamli ishlarning nazariy va amaliy jihatlari tahlil etiladi. Kitobda milliy oʻzlikni anglash, qadriyatlarni tiklash, millatlararo totuvlikni taʼminlash kabi masalalarga alohida eʼtibor qaratilgan.

Asosiy mavzular

Milliy siyosatning nazariy-uslubiy jihatlari: Milliy siyosatning moddiy asoslari, bozor munosabatlarining qaror topishi, mulkchilik shakllarining koʻp ukladliligi masalalari, davlat siyosiy mustaqilligining iqtisodiy negizlari, shuningdek, iqtisodiyotni isloh qilish masalalari ko'rib chiqiladi. Shuningdek, milliy va umumbashariy qadriyatlarning uyg'unlashuvi masalalari yoritiladi.
Ma'naviy yangilanish jarayonini davlat tomonidan tartibga solish yoʻnalishlari: Ushbu mavzuda madaniy-maʼnaviy sohani isloh etish, milliy va umumbashariy qadriyatlar dialektikasi, xalqlar oʻrtasida madaniy integratsiya, milliy mafkurani shakllantirish kabi masalalarning tahlili berilgan. Maʼnaviy-madaniy sohada millatlararo omillarning oʻzaro munosabatlari ham ko'rib chiqiladi.
Mustaqillik sharoitida milliy madaniy va ma'naviy qadriyatlar oʻzaro bogʻliqligining yangi paradigmasi: Mazkur mavzuda millatlararo munosabatlarning global tus olayotgani, milliy manfaatlarga xizmat qiluvchi siyosiy konseptiyalarni yaratish zarurligi, shuningdek milliy munosabatlarni tartibga solishning nazariy asoslari yoritilgan.Milliy va umumbashariy manfaatlar uyg'unligi taminlanishi masalalari muhokama qilinadi.
Dinga nisbatan yangicha siyosat va oʻzbek xalqi maʼnaviyatining rivojlanishida islomning roli: Bu bobda Islom dinining ma'naviy va axloqiy jihatlarga ta'siri, millatlararo totuvlikni ta'minlashdagi o'rni, diniy ekstremizmga qarshi kurashishning ma'naviy-ma'rifiy asoslari kabi masalalar o'rganiladi. Shuningdek, Islomning jamiyatdagi roli va uning rivojlanish istiqbollari tahlil qilinadi.