Hozirgi zamon ingliz tilida gaplarning strukturasida bog’lovchilarning (Conjunctions) sintaktik-semantik xususiyatlari
Ushbu kitobda ingliz tilshunosligining muhim jihatlari, jumladan so'z turkumlari, bog'lovchilar va ularning gap tuzilishidagi sintaktik-semantik rollari chuqur tahlil qilingan. Kitobda so'z turkumlarining tasnifi, bog'lovchilarning vazifalari va ularning gapdagi o'rni keng yoritilgan. Shuningdek, bog'lovchilarning negativlik, kauzallik, lokativlik, temporallik va relyativlik kabi sintaktik-semantik belgilari misollar bilan isbotlangan.
Asosiy mavzular
- So'z turkumlari: So'z turkumlari umumiy tilshunoslik nazariyasida eng ko'p munozaralarga sabab bo'lgan mavzu ekanligi va ularning morfologik hamda sintaktik xususiyatlari haqida ma'lumot berilgan.
- Bog'lovchilarning gapdagi roli: Bog'lovchilarning gap bo'laklarini yoki qo'shma gapning qismlarini bog'lash uchun xizmat qilishi, shuningdek, ularning gapdagi grammatik munosabatlarni ko'rsatishi ta'kidlangan.
- Bog'lovchilarning sintaktik-semantik belgilari: Bog'lovchilarning negativlik, kauzallik, lokativlik, temporallik va relyativlik kabi sintaktik-semantik belgilari badiiy asarlardan olingan misollar orqali tahlil qilingan.
- Yadroviy predikativ bog'lanish: Yadroviy predikativ bog'lanish gap strukturasini tashkil qiladigan va asl ma'nosini yoritib beradigan bosh bo'laklarning bir-birini taqozo etadigan komponentlardan tashkil topishi tahlil qilingan
- Subordinativ bog'lanish: Subordinativ bog'lanish ega va kesim ifodalagan komponentlarga ergashib kelishi, va gapning asl ma'nosini to'ldirib kelishi va uning tuzilishi haqida so'z yuritilgan.
- Koordinativ bog'lanish: Koordinativ bog'lanish gap strukturasidagi uyushiq bo'laklarni ifodalagan komponentlardan tashkil topadi va ko'rib chiqilgan.