HOZIRGI ADABIY JARAYON

Kitobda o'zbek adabiyoti tanqidchiligi, dramaturgiya va publitsistikasi masalalari ko'rib chiqiladi. Unda XXI asrga qaratilgan milliy istiqlol g'oyalari asosida yaratilgan o'zbek adabiyoti asarlarini tahlil qilish masalalari ko'tariladi. Shuningdek, kitobda o'zbek adabiyotida fantastika janrining o'rni, hozirgi o'zbek qissachiligining o'ziga xos xususiyatlari yoritilgan. O'quv qo'llanma filologiya fakultetlari talabalari uchun mo'ljallangan.

Asosiy mavzular

Hozirgi kun she'riyatining tamoyillari: She'riyatning o'ziga xos xususiyatlari, islomiy g'oyalar bilan sug'orilgan she'riyat, she'riyatda milliy g'oya va poetik obrazlar tahlili.
Hozirgi o'zbek poemachiligi: Poemachilikda janr va shakl izlanishlari, lirik poemalar, epik elementlar aralashgan dostonlar, ijtimoiy qadriyatlar talqini.
Bugungi hikoyalarning o'ziga xosligi va taraqqiyot xususiyatlari: Hikoyalarda hayot mohiyati, insonning maqsadi, ma'naviy-axloqiy masalalar, totalitar jamiyat illatlari fosh qilinishi.
Hozirgi o'zbek qissachiligining qirralari: Milliy qadriyatlar, mutelik ruhiyatining oqibatlari, Afg'on urushi manzaralari, milliy-ozodlik kurashchilari faoliyati va obrazlari, ma'naviy-axloqiy muammolar qissalarda yoritilishi.
Bugungi o'zbek romanida davr, tarix, zamon masalalari: Romanning jamiyatdagi o'rni, analitik qahramon, tarixiy va ijtimoiy voqyelik, totalitar tuzum illatlari, roman janridagi izlanishlar tahlili.
O'zbek fantastikasi tarixi va uning o'ziga xosligi: Fantastika janrining tarixi, fantastikaning turlari, genetik masalalar, siyosat va g'oyaviy-badiiy izlanishlar.
Yangi bosqichdagi o'zbek dramaturgiyasi: Dramaturgiyaning ma'naviy talablarga javobi, sosialistik tuzum illatlarining fosh qilinishi, ma'naviy-axloqiy masalalarning yangicha talqini, komediyalarda murosasozlikning ortishi.
Bugungi kun publisistikasi va davr mezoni: Publitsistikaning jamiyatdagi o'rni, prezident asarlari tahlili, "paxta ishi" masalalari, ekologiya va tarixga munosabat.
Bugungi adabiy tanqidchilik: Adabiy tanqidchilikdagi o'zgarishlar, mahorat masalasi, she'riyat nazariyasi, dramaturgiya tarixi va xususiyatlari.