Turkiy xalqlar adabiyoti
Ushbu kitobda turkiy xalqlar (turk, ozarbayjon, qozoq, qirgʻiz, turkman) adabiyotining ilk rivoji, ogʻzaki va yozma adabiyotning taraqqiyoti, jahon adabiyotidagi oʻziga xos oʻrni, madaniyat va maʼnaviyat sohasiga qoʻshgan hissasi, turli davrlarda faoliyat koʻrsatgan adiblarning hayoti va ijodi tahlil etilgan.
Asosiy mavzular
- Turkiy xalqlar adabiyotining ilk davri: Turkiy xalqlar genezisi, ilk badiiyat namunalari, yozma adabiyot manbalari, X-XII asrlar adabiy yodgorliklari ko'rib chiqiladi. Qadimgi turkiylarning falsafiy-estetik dunyoqarashi, badiiy olami, ruhiy-ma'naviy hayoti o'rganiladi. Avesto, O'rxun-Enasoy kabi yozma yodgorliklar tahlil qilinadi.
- Turk adabiyoti: Usmonli turk xalq og'zaki ijodi, turk latifalari (Nasriddin Afandi), turk ertaklari, Jaloliddin Rumiy, Yunus Emro, Nozim Hikmat, Rashod Nuri Guntekin, Aziz Nesin ijodi keng yoritiladi. Tanzimot adabiyotiga ham alohida e'tibor qaratilgan.
- Ozarbayjon adabiyoti: Ozarbayjon xalq og'zaki ijodi, Nizomiy Ganjaviy, Sayyid Imodiddin Nasimiy, Muhammad Fuzuliy, M.F.Oxundov kabi adiblar hayoti va ijodi chuqur tahlil etiladi.
- Qozoq adabiyoti: Qozoq xalq og'zaki ijodi namunalari, Qozoq yozma adabiyoti, Abay Qo'nonboev va Muxtor Avezov hayoti va ijodi batafsil bayon etilgan.
- Qirg'iz adabiyoti: Qirg'iz xalq og'zaki ijodi, Manas eposi, Qirg'iz yozma adabiyotining shakllanishi va XX asr qirg'iz adabiyoti taraqqiyoti yoritiladi. Alikul To'qumboev, T.Sotilg'anov, Ch.Aytmatov ijodi ko'rib chiqiladi.
- Turkman adabiyoti: Qadimgi turkman xalqi, Turkman xalq og'zaki ijodi namunalari, Turkman yozma adabiyotining shakllanish jarayoni ko'rib chiqiladi. Ozodiy, Mahtumquli ijodi chuqur o'rganiladi.
- Turkiy xalqlar adabiyotidan namunalar: Turkiy xalqlar adabiyotidan namunalar berilgan, jumladan Turkiy yodnomalar (Alp er To’nga marsiyasi), Jaloliddin Rumiy, Yunus Emro, Fuzuliy, va boshqa yozuvchilarning eng sara asarlari keltirilgan.