Metrologiya, standartlashtirish va sifatni boshqarish

Kitob, kasb-hunar kollejlari uchun mo'ljallangan "Metrologiya, standartlashtirish va sifatni boshqarish" fanidan o'quv qo'llanma bo'lib, O'zbekiston Respublikasining qonunchilik hujjatlari, ilmiy-texnikaviy yutuqlari va amaliy tajribalar asosida yaratilgan. Qo'llanma metrologiya, standartlashtirish va sifatni boshqarish sohasida bilim berishga qaratilgan.

Asosiy mavzular

Metrologiya faoliyatiga doir tushunchalar va bilimlar: O'zbekiston Respublikasining metrologiya to'g'risidagi qonuni, metrologiya sohasidagi asosiy atamalar va ta'riflar, kattaliklarning o'lchamliligi va birliklari, o'lchash usullari, hamda o'lchash vositalarining sinflanishi va metrologik xarakteristikalari bayon etilgan.
Standartlashtirish faoliyatiga doir tushuncha va bilimlar: O'zbekiston Respublikasining standartlashtirish to'g'risidagi qonuni, standartlashtirish bo'yicha asosiy tushuncha va atamalar, standartlar toifalari va ularning turlari, hamda standartlashtirish usullari haqida ma'lumot berilgan.
Sertifikatlashtirish va sifatni boshqarish bo'yicha asosiy tushunchalar: O'zbekiston Respublikasining Mahsulotlar va xizmatlarni sertifikatlashtirish toʻgʻrisidagi Qonuni, sertifikatlashtirish bo'yicha asosiy tushunchalar va atamalar, mahsulot va xizmatlarni sertifikatlashtirish tartibi, sertifikatlashtirish sxemalari, mahsulot sifati va sifatni boshqarish masalalari yoritilgan.
Metrologiya, standartlashtirish va sertifikatlashtirish bo'yicha xalqaro tashkilotlar: Xalqaro standartlashtirish tashkiloti (ISO), Xalqaro elektrotexnika komissiyasi (IEC), Metrologiya sohasidagi qonunlashtiruvchi xalqaro tashkilot, Sifat bo'yicha Yevropa tashkiloti kabi tashkilotlarning tuzilishi, vazifalari, va faoliyat yo'nalishlari haqida ma'lumotlar keltirilgan.