Болаларда учрайдиган тутқаноқ ҳуружлари

Ушбу китоб болаларда учрайдиган тутқаноқ хуружларига бағишланган. Унда касалликнинг келиб чиқиш сабаблари, клиник белгилари, ташхиси ва даволаш усуллари батафсил ёритилган. Китоб тиббиёт ходимлари, талабалар ва ота-оналар учун мўлжалланган.

Asosiy mavzular

Тутқаноқ хуружларининг этиологияси: Тутқаноқ хуружларининг келиб чиқиш сабаблари жуда кўп ва ҳар хилдир. Уларга ўпка, юрак, нафас йўлларининг туғма патологияси, инфекцион факторлар, нейроинфекциялар, бош миянинг органик зарарланиши, эпизодик тутқаноқ хуружлари ва эндокрин касалликлар киради.
Тутқаноқ хуружларининг патогенези: Тутқаноқ хуружларининг патофизиологияси остида нерв системасининг ҳамма соҳаларида қўзғалувчанликнинг ошиб кетиши ва шу ҳолатни бош мия пўстлоғининг айрим ерларида концентрациялиниши ётади.
Тутқаноқ хуружларининг клиник белгилари: Тутқаноқ хуружларининг клиникаси асосан касалликни келтириб чиқарган фактор билан боғлиқ. Улар локал ёки диффуз ҳолда кечиши мумкин. Касалликнинг энг биринчи белгиларидан бири бемор ҳушининг ўзгаришидир.
Тутқаноқ хуружларининг ташхиси: Ташҳис қўйишда тутқаноқ хуружини эпилепсия касаллигидан фарқ қилиш лозим. Эпилепсия касаллиги учун оила аъзоларида касалликнинг мавжудлиги, касалликнинг секин аста кучайиб бориши ва босқичларнинг мавжудлиги хосдир.
Тутқаноқ хуружларини даволаш: Тутқаноқ хуружи вақтида тезда бу ҳолатдан чиқариш лозим. Бунинг учун тинчлантирувчи дорилар берилади. Бош миядаги бўкишни камайтириш мақсадида сийдик ҳайдовчи дорилар тавсия этилади.