Фермер хўжаликлари учун кичик майдонлардаги ўсимликларни ўриш аппаратини такомиллаштириш

Ushbu taqdimot O'zbekiston Respublikasi Oliy va o'rta maxsus vazirligi Guliston Davlat Universiteti Tabiiy fanlar fakulteti tomonidan tayyorlangan. Taqdimot "Qishloq xo'jalik mahsulotlarini qayta ishlash texnologiyasi" kafedrasiga tegishli bo'lib, 5410500 - Qishloq xo'jalik mahsulotlarini saqlash va dastlabki ishlash texnologiyasi ta'lim yo'nalishi 31-12 guruh talabasi Gulboyev Dilshodning "Fermer xo'jaliklari uchun kichik maydonlardagi o'simliklarni o'rish apparatini takomillashtirish" mavzusidagi bitiruv malakaviy ishiga bag'ishlangan. Ilmiy rahbar: QHMQIT kafedrasi professori, t.f.d. K.K. Nuriyev.

Asosiy mavzular

Tadqiqotning maqsadi: Adabiyotlar tahlili va kafedraning ko'p yillar davomida o'simliklarni o'rish mashinalarini tadqiq qilish tajribalari natijalarini hisobga olib hamda, ayniqsa kichik fermer xo'jaliklari uchun dala sharoitlarida ishlash imkoniyati bo'lgan mobil o'rish apparatini ishlab chiqish dolzarb masala hisoblanadi va bitiruv malakaviy ishning maqsadi ushbu ishga qaratilgan.
Tadqiqotning vazifalari: O'simliklarni o'rish mexanizmlarini tahlil qilish; O't o'rgichlar klassifikasiyasi; Segmentli-barmoqli o'rish apparati turlarini o'rganish; O'rish apparatini sozlash; O'rish apparati kesuvchi juftlarining ishlashini asoslash; O'simliklarni o'rish apparatlarining konstruktiv yechimlari; O'simliklarni o'rish apparatlarini takomillashtirish dinamikasini o'rganish; O't o'rish apparatini tanlash va ish rejimini hisoblash; Ikki pichoqli o'rish apparatining iqtisodiy samaradorligini hisoblash; Xulosa va takliflar berish
Ishning ilmiy ahamiyati: O't o'rish apparatlarini tahlil qilish uni ishlab chiqarish texnologiyasini asoslash.
Ishning amaliy ahamiyati: O't o'rgichlar, ularda qo'llaniladigan qirqish apparatlari adabiyotlar, ilmiy hisobotlardan tahlil qilinib mavzu asoslanilgan, kichik maydonlar, bog'zorlar, soy bo'ylari, ariq bo'ylariga o'xshash qiyin maydonlarni o'ra oladigan qirqish apparati sxemasi ishlab chiqilgan.
Texnik-iqtisodiy ko'rsatgichlari: Ikkita variantning taqqosiy texnik-iqtisodiy ko'rsatgichlari keltirilgan: segmentli-barmoqli va ikki segmentli o'rish apparatlari uchun. Ularning qiymati, transport xarajatlari, kapital xarajatlari, yillik iqtisodiy samarasi va kapital qo'yilmalarni qoplash muddati ko'rsatilgan.
Xulosa va takliflar: Mavjud ikki pichoqli qirqish apparatlari ko'k massani ozuqaga o'rishda kesilgandan so'ng katta poya qismini qoldiradi, ya'ni baland o'radi, agar yotgan poyalarni hisobga oladigan bo'lsak 25 % gacha massasi qoladi. Yuqori tezlikda bunday mashinalar agrotexnik talablarni bajarmaydi. Taklif etilayotgan o'rish apparati qirqish apparati agrotexnik talablarga ko'ra javob berishi va poya balandligi va tozaligi bo'yicha sezilarli yaxshi ko'rsatgichlarni ta'minlaydi. Yillik iqtisodiy samara 3629710 so'mni, kapital qo'yilmalarni qoplash muddati 0,72 yilni tashkil qiladi. Ish hayot faoliyati xavfsizligi va atrof muhit muhofazasi qismlari bilan to'ldirilgan va xulosa ishlab chiqilgan.