Оёқ ва чаноқ веналари тромбозида шошилинч жарроҳлик ёрдам

Ushbu kitobda oyoq va chanoq venalari trombozida shoshilinch jarrohlik yordam ko‘rsatish, o‘pka arteriyasi tromboemboliyasining oldini olish, tashxislash va davolash taktikalari takomillashtirilgan. Tadqiqotlar jarayonida qo‘lga kiritilgan natijalar, xususan, genetik omillar va molekulyar mexanizmlar aniqlangan, ekstravaskulyar kavernoz klipsning yangi modeli ishlab chiqilgan va klinik amaliyotga joriy etilganligi ko‘rsatilgan.

Asosiy mavzular

Oyoq va chanoq venalari trombozi: Oyoq va chanoq venalari trombozi etiopatogenezi, diagnostikasi, klinik manzarasi, shoshilinch jarrohlik yordam ko‘rsatishning taktik va texnik masalalari ko'rib chiqiladi.
O‘pka arteriyasi tromboemboliyasi (OATE): O‘pka arteriyasi tromboemboliyasining oldini olishning zamonaviy usullari, shu jumladan jarrohlik yo‘li bilan davolash va ekstravaskulyar klipsni qo‘llash usullari muhokama qilinadi.
Tashxislash usullari: Oyoq va chanoq venalari trombozini aniqlashda ultratovushli angioskanerlash, rentgenokontrast flebografiya usullarining imkoniyatlari, shuningdek, genetik va molekulyar omillarni aniqlash usullari keltirilgan.
Kava-klips usuli: O‘pka arteriyasi tromboemboliyasining oldini olish maqsadida pastki kavak venasini klipslash uchun klipsning yangi modeli va moslamalari, ushbu usulning afzalliklari va kamchiliklari, klinik natijalari tahlil qilinadi.