Ўзбек мумтоз шеъриятида риндона маъно ва лирик қаҳрамон характери

Ushbu kitob o‘zbek mumtoz adabiyotida rindona mazmunini va lirik qahramon xarakterini o‘rganishga bag‘ishlangan ilmiy tadqiqotdir. Unda rindona she’riyatning kelib chiqishi, rivojlanish bosqichlari, poetik xususiyatlari va badiiy-estetik talablari tahlil etiladi. Shuningdek, may mavzusi yoritilgan she’rlarning o‘ziga xos xususiyatlari, lirik qahramonning ma’naviy-ruhiy olami va tasavvufiy mazmuni chuqur yoritilgan.

Asosiy mavzular

Rindona she’riyatning genezisi va taraqqiyot omillari: Ushbu bobda rindona she’riyatning shakllanishi va rivojlanish tarixiga to‘xtalib o‘tilgan. Rindona she’riyatining kelib chiqishi va o‘ziga xos xususiyatlari, shuningdek, Sharq adabiyotida tutgan o‘rni yoritilgan.
Mavzu, obraz va tasvirdagi yangilanishlar: Ushbu bobda XII-XV asrlarda yashab ijod etgan Oʻzbek mumtoz adabiyotida rindona she’riyatining ilk koʻrinishlari va taraqqiyoti masalalari tahlil qilingan. Ahmad Yassaviy, Xorazmiy, Xoʻjandiy kabi shoirlarning asarlarida rindona motivlar va obrazlar ko'rib chiqilgan.
Badiiy ifodadagi o‘ziga xoslik va lirik qahramonning xarakter xususiyatlari: Ushbu bobda rindona she’rlarning badiiyati, mavzusi, g‘oyasi va ifoda usuli tahlil etilgan. She’riy matnda qo‘llangan may poetik timsolining o‘ziga xos ranglari va navlari, lirik qahramonning ma’naviy-ruhiy olamini ochib berishdagi ahamiyati ko‘rsatib berilgan.