Functional semantics of the English declarative sentences

Ushbu kitob ingliz tilshunosligi, xususan gap tuzilishi va grammatikasiga bag'ishlangan bo'lib, unda gapning nazariy asoslari, turlari va ularni o'qitish metodlari keng yoritilgan. Kitobda deklarativ gaplar (darak gaplar) ning tuzilishi, semantik xususiyatlari, funksiyalari va ularni o'qitish usullari chuqur tahlil qilingan. Bundan tashqari, ingliz tilini o'qitish metodologiyasi, grammatikani o'rgatishning turli yondashuvlari va interaktiv metodlar ham ko'rib chiqilgan.

Asosiy mavzular

Gap nazariyasining asoslari: Gapning ta'rifi, grammatik va semantik xususiyatlari, gap turlari (darak, so'roq, buyruq gaplar) va ularning kommunikativ funksiyalari. Shuningdek, gap tuzilishining tarixiy rivojlanishi va turli tilshunoslar tomonidan berilgan ta'riflar tahlil qilingan.
Deklarativ gaplarning tuzilishi va semantikasi: Deklarativ gaplarning grammatik tuzilishi, so'z tartibi, tasdiq va inkor shakllari, elliptik gaplar va ularning o'ziga xosliklari. Gapning semantik funksiyasi, ma'no turlari va gapning mazmunini aniqlash usullari ham ko'rsatilgan.
Ingliz tilini o'qitish metodlari: Grammatika-tarjima metodi, to'g'ridan-to'g'ri metod, kommunikativ metod va boshqa o'qitish usullari. Grammatikani o'qitishda interaktiv metodlarning roli, dars jarayonida o'quvchilarni faol ishtirok ettirish usullari va turli mashqlar bilan yoritilgan.
Inkor gaplarning semantikasi: Inkor gaplarning tuzilishi, negativ yuklamalar, negativ ravishlar, polarite elementlar, negativning diapazoni va inkorning boshqa jihatlari haqida ma'lumot berilgan.