Ўзбекистонда ўсувчи Scutellaria L. туркумига мансуб тўрт тур ўсимликларнинг флавоноидлари

Ushbu kitobda O'zbekistonda o'suvchi Scutellaria L. turkumiga mansub to'rt tur o'simlikning flavonoidlari tadqiq etilgan. Ularning kimyoviy tuzilishi, farmakologik xossalari aniqlangan. Kitobda o'simliklarni ekstraksiya qilish, fraksiyalash, xromatografik usullar yordamida ajratish, tadqiqotning kimyoviy va fizik-kimyoviy usullari, flavonoidlarning tuzilishini aniqlash tajribalari to'liq bayon etilgan.

Asosiy mavzular

Flavonoidlarning umumiy xususiyati, tasnifi, biosintezi va tuzilishini aniqlash usullari: Ushbu bobda flavonoidlar haqida umumiy tushunchalar, ularning tasnifi, glikozidlari, tuzilishini kimyoviy va fizikaviy usullar bilan tahlil qilish, shuningdek, Scutellaria L. turkumiga mansub o'simliklarning flavonoidlari haqida ma'lumotlar keltirilgan.
Scutellaria L. turkumiga kiruvchi o'simliklar flavonoidlarining tahlili: Ushbu bobda o'simliklar haqida qisqacha ma'lumot, tadqiqot olib borish sxemasi, Scutellaria L. turkumiga mansub 4 tur o'simliklardan ajratib olingan flavonoidlar ro'yxati, ularni ajratish, yangi moddalarning kimyoviy tuzilishi va xossalarini aniqlash usullari to'liq bayon etilgan. Shuningdek, farmakologik xususiyatlari ko'rsatib berilgan.
Scutellaria L. turlarining flavonoidlarini ajratib olish tadqiqotlari: Ushbu bobda tadqiqot obyekti va usullari, S. immaculata Nevski, S. nepetoides Popov, S. ocellata Juz., S haematochlora Juz. o'simliklarining yer ustki, ildiz qismini ekstraksiya qilish, ekstraktni fraktsiyalarga bo'lish, yig'malarni xromatografik usullar yordamida tekshirish, tadqiqotning kimyoviy va fizik-kimyoviy usullaridan foydalanib olingan natijalar asosida flavonoidlar tuzilishini aniqlash tajribalari to'liq bayon etilgan.