Musiqa nazariyasi

Kitob musiqaning nazariy asoslarini o'rganishga bag'ishlangan. Unda tovushning fizik xususiyatlari, muzikaviy tovushlar, notalar, intervallar, akkordlar, ladlar, tonalliklar va musiqiy shakllar kabi tushunchalar batafsil yoritilgan. Shuningdek, kitobda xalq musiqasi ladlari, dirijyorlik qoidalari va vokal musiqasining o'ziga xos jihatlari ham ko'rib chiqilgan.

Asosiy mavzular

Tovushning fizik asosi: Tovushning fizik tabiyati, tebranishlar, tovush to'lqinlari va ularning tarqalishi, tovushning eshitilish organlariga ta'siri.
Muzikaviy tovushning xususiyatlari: Muzikaviy tovushning balandligi, qattiqligi, tembri va cho'zimi. Shovqinli tovushlardan farqi.
Notalar va nota yozuvi: Nota yozuvining asoslari, nota chizig'i, kalitlar, notalarning cho'zimi, pauzalar, alteratsiya belgilari. Nota yozuvida tovushlarning balandligi va davomiyligini ifodalash usullari.
Ritm va metr: Ritmning mohiyati, cho'zimlarning asosiy va erkin bo'linishi, muzikaviy aksent, metr, o'lchov, takt. Oddiy va aralash metrlar, sinkopa.
Intervallar: Intervallarning ta'rifi, turlari (melodik, garmonik), intervallarning son va sifat miqdori, oddiy va diatonik intervallar, orttirilgan va kamaytirilgan intervallar, intervallarning aylanishi, tarkibli intervallar.
Akkordlar: Akkordning ta'rifi, uchtovushliklar, uchtovushliklarning ko'rinishi, ohangdosh va noohangdosh uchtovushliklar, uchtovushliklar aylanishi.
Lad va tonalliklar: Turg'un tovushlar (tonika), noturg'un tovushlar va ularning yechilishi, ladning ta'rifi, major va minor ladlar, xalq musiqasi ladlari, tonalliklar pog'onadoshligi, xromatizm, alteratsiya.
Kuy: Muzika asarida kuyning ahamiyati, xalq musiqasi (qo'shiqlari)ning kuylari.