Andijon shahar hududida haydovchisiz yo`nalishdagi taksi harakatini loyihalash
Ushbu kitobda Andijon shahar hududida haydovchisiz yo'nalishdagi taksi harakatini loyihalash mavzusida ilmiy-texnik va iqtisodiy asoslar yoritilgan. Avtomatlashtirilgan transport tizimlarining zamonaviy holati, rivojlanish tendensiyalari, loyihalash jarayoni, texnik va texnologik jihatlari, shuningdek, hayot faoliyati xavfsizligi va iqtisodiy samaradorlik masalalari chuqur tahlil qilingan. Kitobda avtonom transport vositalarini boshqarish tizimining struktur sxemasi, yo'lovchi tashuvchi avtomobil va uning tormoz tizimi, shuningdek, boshqaruvchi mikrokontrollerlar hamda ularning dasturiy ta'minoti haqida batafsil ma'lumotlar berilgan.
Asosiy mavzular
- Kirish: Avtomobilni avtonomligini oshirish muammosining dolzarbligi, sohaning jahon tajribasi va O'zbekistondagi rivojlanish tendensiyalari bayon etilgan. Haydovchisiz transport vositalarining afzalliklari va ularning kelajagi haqida qisqacha ma'lumot berilgan.
- Asosiy qism. Transport vositalarini avtonom boshqarish muammolarining zamonaviy holati tahlili: Avtonom transport vositalarini boshqarish tizimlarining rivojlanishi, jahon tajribasi (Google, BMW, Volkswagen, Volvo, Nissan) va ushbu texnologiyalarning afzalliklari hamda kamchiliklari tahlil qilingan. Avtomobil tizimini boshqarish jarayoni, sensorlar, dasturiy ta'minot va aloqa vositalari haqida batafsil ma'lumot berilgan.
- Texnologik qism: Andijon shahar hududida haydovchisiz yo'nalishdagi taksi harakatini loyihalashning struktur sxemasi, boshqarish tizimi, yo'lovchi tashuvchi avtomobil va uning tormoz tizimi, shuningdek, Arduino mikrokontrolleri va uning dasturiy ta'minoti bilan ishlash jarayonlari haqida ma'lumotlar keltirilgan.
- Hayot faoliyati xavfsizligi: Avtokorxonalarda radioaktiv nurlardan saqlanish, ularning turlari va organizmga ta'siri, xavfsizlik choralari hamda boshpanalar haqida ma'lumot berilgan.
- Iqtisodiy qism: Andijon shahar hududida haydovchisiz yo'nalishdagi taksi harakatini loyihalashning iqtisodiy asoslari, mablag'larni hisoblash, loyiha qiymati, daromad va xarajatlar tahlili, rentabellik va boshqa iqtisodiy ko'rsatkichlar keltirilgan.
- Xulosa va takliflar: O'tkazilgan tadqiqot natijalari asosida xulosalar chiqarilgan va haydovchisiz yo'nalishdagi taksi harakatini joriy etish bo'yicha takliflar berilgan.
- Foydalanilgan adabiyotlar: Loyihani bajarishda foydalanilgan ilmiy adabiyotlar, kitoblar, maqolalar va internet materiallarining ro'yxati keltirilgan.