Kiyoviy texnologiyaning jarayonlari va qurilmalari
Ushbu o'quv-uslubiy qo'llanma kimyo sanoatida qo'llaniladigan turli texnologik jarayonlar va qurilmalar, ularning ish printsiplari, klassifikatsiyasi, asosiy parametrlarini aniqlash hamda ular bilan bog'liq asosiy nazariy bilimlarni amaliy ko'nikmalar bilan mustahkamlash maqsadida tayyorlangan. Qo'llanmada kimyo sanoatida ishlatiladigan asosiy jarayonlar, jumladan, suyuqliklar harakatining rejimini aniqlash, markazdan qochma nasoslarning xarakteristikalarini o'rganish, mavhum qaynash qatlamining gidrodinamikasi, filtrlash doimiyligini aniqlash, tsentrifugalash jarayonini o'rganish, bug'latish jarayonini va bug'latish qurilmalarini tuzilishi, eritmalarning temperatura depressiyasini aniqlash, quritish qurilmasida quritish jarayonini tasvirlash hamda maydalash jarayonini o'rganish kabi mavzular qamrab olingan. Har bir mavzu nazariy asoslar, tajriba o'tkazish tartibi va hisoblash qismlaridan iborat bo'lib, talabalarga ushbu jarayonlar va qurilmalar haqida chuqur bilim berishga qaratilgan. Qo'llanmada nazariy va amaliy mashg'ulotlarni bajarish uchun zarur bo'lgan barcha ma'lumotlar keltirilgan.