Davlat moliyasi barqarorligini ta’minlashni takomillashtirish masalalari
Ushbu dissertatsiya Oʻzbekiston Respublikasida davlat moliyasini tashkil etish va boshqarishning mohiyati, maqsadi, ahamiyati va taraqqiyot bosqichlari, davlat moliyasi barqarorligini taʼminlashda davlat moliyasining alohida boʻgʻinlari samaradorligini tahlil qilish va davlat moliyasini rivojlantirish borasida xorijiy mamlakatlar tajribasi hamda AQSH davlatining moliya tizimi misolida davlat moliyasini boshqarishning samarali usullari hamda tavsiyalar ishlab chiqishga bag'ishlangan. Tadqiqot ishida davlat moliyasining iqtisodiy mohiyati va uning bajaradigan funksiyalarini oʻrganish, davlat moliyasining asosiy tamoyillari va uni boshqarish sohasidagi vakolatlarini yoritish, davlat moliyasining barqarorligini ta'minlashda xorijiy tajribalarini tadqiq etish, davlat byudjeti daromadlarining tashkil topish manbalarini tahlil etish, davlat byudjeti xarajatlarining tarkibini va amaldagi holatini tahlil qilish, davlat moliyasi barqarorligini ta'minlashni takomillashtirish istiqbollarini yoritish kabi vazifalar ko'zda tutilgan.
Asosiy mavzular
- Davlat moliyasining mohiyati, maqsadi, ahamiyati va taraqqiyot bosqichlari: Ushbu bobda davlat moliyasining mazmun-mohiyati, ahamiyati va me'yoriy-huquqiy asoslari, davlat moliyasining barqarorligini ta'minlashning ijtimoiy-iqtisodiy mohiyati, Oʻzbekiston Respublikasida davlat moliyasini tashkil etish va boshqarishning taraqqiyot bosqichlari va tarkibiy tuzilishi hamda davlat moliyasining iqtisodiy mohiyati, uning asosiy tamoyillari va boshqarish sohasidagi vakolatlari, davlat moliyasi barqarorligini ta'minlashda xorijiy tajribalarini tadqiq etish, davlat byudjeti daromadlarining tashkil topish manbalarini tahlil etish, davlat byudjeti xarajatlarining tarkibi va amaldagi holatini tahlil qilish, davlat moliyasi barqarorligini ta'minlashni takomillashtirish istiqbollari yoritilgan.
- Davlat moliyasi barqarorligini ta'minlashda davlat moliyasining alohida boʻgʻinlari samaradorligi tahlili: Ushbu bobda Oʻzbekiston Respublikasining davlat moliyasini tashkil etish va boshqarishning amaliy holati tahlil etilib, davlat byudjetidan tashqari fondlarning davlat moliyasidagi oʻrni va davlat moliyasi barqarorligini ta'minlashda rivojlangan mamlakatlar davlat mablag'larini samarali boshqarishda g'aznachilik tizimining tutgan o'rni kabi masalalar tahlil qilingan.
- Davlat moliyasini rivojlantirish borasida xorijiy mamlakatlar tajribasi: Ushbu bobda xorijiy mamlakatlarda moliya tizimining koʻrinishi, jumladan AQSH davlatining moliya tizimi misolida davlat moliyasini boshqarishning samarali usullari hamda tavsiyalar ishlab chiqishga bagʻishlangan. Xususan, AQSH davlatining federal byudjet holati va uning daromadlari hamda xarajatlari tahlil qilinib, undan kelib chiqadigan xulosalar asosida Oʻzbekiston Respublikasida davlat moliyasini isloh etish boʻyicha amaliy tavsiyalar berilgan.