Davlat tilida ish yuritish
Ushbu kitob o‘zbek tilining davlat til sifatidagi ahamiyatini yuksaltirish, ish yuritish sohasida uni to‘g‘ri qo‘llash, adabiy til me’yorlariga rioya qilish kabi muhim masalalarni qamrab oladi. Unda yozma nutq savodxonligini oshirish, rasmiy hujjatlarni tuzish, ish yuritish madaniyatini shakllantirishga oid nazariy va amaliy ma'lumotlar berilgan. Shuningdek, turli xil matnlar, hujjatlar namunalari, imlo qoidalari va uslubiy masalalar ham o‘rin olgan.
Asosiy mavzular
- Til va nutq: Tilning ijtimoiy ahamiyati, tafakkur va tilning o‘zaro bog‘liqligi, o‘zbek tilining taraqqiyoti masalalari ko‘rib chiqiladi.
- Yozma nutq savodxonligi va nutq madaniyati asoslari: Yozma nutqning o‘ziga xosliklari, imlo qoidalari, nutq madaniyati va nutq odobi kabi tushunchalar yoritiladi.
- O‘zbek adabiy tili me'yorlari: Imlo, talaffuz, grammatik, leksik va uslubiy me’yorlar haqida ma'lumot beriladi. So‘zlashuv hamda adabiy til uslublari, turli vaziyatlarda nutqni to‘g‘ri qo‘llash masalalari muhokama qilinadi.
- Nutqning uslubiy shakllari: Nutq va notiqlik, nutq uslublarining xususiyatlari, rasmiy-idoraviy nutq uslubining o‘ziga xos belgilari tahlil etiladi.
- Matn turlari va tarkibi: Matn turlari, dialogik matn, tavsifiy matn, matnni qisqartirish va kengaytirish yo'llari, matnga xos so‘zni tanlash kabi masalalar yoritiladi.
- Hujjat turlari va ish yuritish asoslari: Hujjatchilik tarixi, hujjat turlari (xizmat xatlari, murojaat xatlari, shaxsiy xatlar), hujjat tuzishda dalil va asoslar, ish yuritish asoslari, hujjatlarning zaruriy qismlari va hujjatda tinish belgilari haqida ma'lumot beriladi.