Alisher Navoiyning ,,Xamsat ul-mutahayyirin”asarida Jomiy timsoli talqini
Ushbu maqolada Alisher Navoiyning buyuk ustozi, salafi, shoir Hazrat Jomiyga bag'ishlangan beqiyos ehtiromi va „Xamsat ul-mutahayyirin” asari tahlil qilingan. Navoiy oʻz hayoti va ijodiy faoliyati davomida koʻplab insonlarni oʻziga ustoz deb bilgan boʻlsa-da, aynan Abdurahmon Jomiyga ota, doʻst va ustoz sifatida qaragan. Navoiy 1494-yilda yozgan „Xamsat ul-mutahayyirin” asari Jomiyga bagʻishlangan. Asarda Jomiyning nasabi, tugʻilishi, tarbiyalanishi, tahsil olishi, ijodiy faoliyati, oʻzaro munosabatlari, Jomiyning „Daryoyi abror” asariga javoban yozilgan „Lujjat ul-asror” qasidasi, Navoiyning „Tuhfat ul-afkor” qasidasi, Jomiyning vafoti va ushbu voqea munosabati bilan yozilgan marsiya va taʼrixlar haqida maʼlumot beriladi.